Sausan ida mawesin surat.e, ngandika Ida Sang Prabu,
"Punta enden malu Punta mulih, dini malu ngoyong akejep, kema laku di amben . belodne iring Ida Prameswari anak ditu ida malinggih!"
"Inggih". Keto aturne I Punta tur lantas ia kambene. Ida Prameswari nyingak I Punta raris Ida ngandika, "Punta mara teka? Ngenken dadi buka tumbene teka Punta mai?"
"Inggih titiang wau. Titiang kandikaang ngaturang rerepi antuk Ida Sang Prabu Koripan ring ida rakan Palungguh Cokor I Dewa." Buin kejepne rauh lantas Ida Sang Prabu kambene tur ida sareng malinggih ditu mareraosan. Ngandika Ida Sang Prabu teken panyeroan idane.
"lh to Nyai panyeroan kema sagiang malu I Punta, apang ia madaar malu dini!" I Panyeroan ngenggalalg lantas ia ka puaregan nyagiang I Punta. Sasubanne suud masagi, ngandika raris Ida Sang Prabu teken I Punta,
"Nah to Punta, suba suud masagi kema malu tunasang Ibane lungsuran suud benya nunas lungsuran, mara men mulih!"Ka puaregan lantas I Punta madaar. uugase ento tadah makelo kone I Punta madaar, dening ia dampingina be krupuk celeng muah kacang magoreng. Dadi baged kone ia madaar, baane tuara dadi baana makpak bene muah kacange, krana ia suba pawah. Dadi polih Ida Sang Prabu ngandika ring Ida Prameswari buat kayun Ida Sang Prabu Koripan ngidih Ida Raden Galuh. Ida Prameswari ngaturang okane ring Ida Sang Prabu Koripan. Dening kej;o, kandikain kone panyeroane, kandikaang ngrereh okane ka Pagaluhan. Sasubane i panyeroan nganteg di Pagaluhan, matur lantas ia ring Ida Raden Galuh,
"Ratu Raden Galuh Cokor I Dewa kandikaang tangkil ka puri sane mangkin!"
"Nah lamun keto dong enden malu, antiang malu nira akejep, nira nu meseh. Keto pangandikan Ida Raden Galuh. Sasubanne ida suud miasan, lantas ida mamargi ngapuriang, kairing antuk i panyeroan. Sarauhidane di purl raris ida mamitang lugra ring aji kalih biangidane. Ngandika raris Ida Sang Prabu,
"Nah Cening Galuh, awanan bapa nauhin Cening, ne ada surat Ajin Ceninge rauh uli Koripan, ngidih Cening, lakar pabunci
42
