nganga teken okanidane. Men Cening kenken, nyak Cening makurnan ngajak misan Ceninge ento, apang melah ban bapa males surate ene."
"lnggih Guru Aji ledang, titiang ngiring." Keto kone aturne Ida Raden Galuh sambilang ida nangis, ban jejheh kayunne, krana ida tusing pesan taen manggihin Ida Raden Mantri, ajerih idane jalane Ida Raden Mantri bodo. Suud Ida Raden Galuh matur keto, ngandika lantas Ida Sang Prabu teken I Punta,
"Nah to keto kone Punta, buat isin surate ane uli di Koripan, lakar ngidih i nanak Galuh, lakar pabuncinganga teken okanidane. I nanak Galuh nyak suba ia makurenan ngajak Ida Raden Mantri. Nah jani, kema suba Punta mulih, aturang teken gustin Puntane ditu, buatne madaging suba pakayunanidane!" I Punta lantas mapamit ngamulihang. Sasubanne ia neked di puri Koripan aturanga lantas keto buka pangandikan Ida Sang Prabu Daha ring Ida Sang Prabu Koripan. Ledang pesan kone kayunidane jani, dening okane makadadua suba ngiring pakayunane.
Kacrita buin pitung dinanne Ida Raden Mantri pacang mabuncing kandikaang kone I Punta makta raja pinomah ka Daha. Beh magenepan pisan kone baktana teken I Punta ka Daha, saluiring wastra, baju ane nielah-melah pesan, muah panganggo mas-masan masesocan. Buin jani suba kone Ida Sang Prabu ngandikain panjake makejang, kandikaang ngae tetaring, dening Ida Raden Mantri pacang mapandes. Pagrudug kone panjakidane magarapan, ada ngae tetaring, ada ngae paon jambangan, len buin, ada luas meli kebo muah celeng. Beh apa kaden ramenne anake magarapan di puri makejang "panjake gupuh nyemak gegaen. Ida Scing Prabu ledang kayun idane nyingakin panjake cerik kelih bajang tua pada anteng magarapan.
Gelising satua, teked jene suba I Punta di Daha lantas katurang raja pinomahe ring Ida Sang Prabu. Ida Sang Prabu nrima pican Ida Sang Prabu Koripan. Dugase ento masih sedeng ramena ditu di Daha anake magarapan pada ngae tetaring, dening Ida Raden Galuh masih lakar mapandes.
Kacrita suba usan Ida Raden Mantri mapandes, Ida Raden Galuh masih. suba mapandes. Ceritaang buin maninne Ida Raden Mantri pacang mabuncing, lunga lantas Ida Raden Mantri ka Daha mendakin Ida Raden Galuh kairing ban panjake luh muani. Ketog
43
