semprong, krik tingkih panjakidane ngiring ka Daha. Ida Raden Mantri nglinggihin kone ida kuda makekepuh mas kairing ban pepatihidane. Panjake ane lenan, ada negen jempana mas lakar palinggihan Ida Raden Galuh, ada ngaba pajeng agung iringang gong. Sarauh Ida Raden Mantri di Daha lantas ida kasapa antuk Ida Sang Prabu kalih Ida Prameswari, saha ngandika,
"Cening Bagus mara rauh?"
"lnggih, titiang wau, Ratu Dewa Agung."
"Nah enden malu antiang buin akejep dogen, i nanak Galuh anak nu mapayas! Negak malu Cening Bagus dini, mareren maroko malu, ento panjake makejang apanga madaar base malu !"
"lnggih Ratu Dewa Agung." Keto aturne I Raden Mantri, lantas ida malinggih ditu sareng Ida Sang Prabu. Panjak Ida Raden Mantri makejang kone nglungsur base, ada nglungsur roko. Ngandika Ida ang Prabu ring Ida Raden Mantri,
"Cening Bagus, nah kewala anggon ia I Cening Galuh kurenan, anak ia bodo buina tusing bisa magarapan. Kabisaanne tuah mapayas dogen".
Tan kacrita bebaos Ida Sang Prabu kalih Ida Raden Mantri, kacrita di subanne Ida Raden Galuh usan miasan, raris Ida Sang Prabu ngandikain Ida Raden Mantri, mangda ida ngambil Ida Raden Galuh ka gedongan. Lantas Ida Raden Mantri ka gedongan. Mara Ida Raden Mantri ngampakang lawangan tur suba cingakin Ida Raden Galuh, beh angob pesan ida nyingakin kajegegan Ida Raden Galuhe, yen angdeang, buka dedarine di suargan. Ditu lantas Ida Raden Galuh kasaup antuk Ida Raden Mantri tur kalinggihang ida di jempana mase. Mapamit lantas Ida Raden Mantri kalih Ida Raden Galuh ring Ida Sang Prabu kalih Ida Prameswari lakar mamargi ka Koripan. Ngandika Ida Sang Prabu.
"Nah majalan Cening melah-melah, ne pepatih muah panjak-panjak Bapane apanga ngiringang Cening. Bapa sing ja bareng kema jani, dening dini suung. Nah buin pidan yan Bapa lasia karahayuan, ditu lakar Bapa nelokin Cening". Mamargi lantas Ida Raden Mantri sareng Ida Raden Galuh, kairing ban panjakidane muah panjake di Daha. Di margi sing suud-suud kone Ida Raden Mantri nyulingling Ida Raden Galuh. Ida Raden Galuh masih keto, ledang kayun idane madrue rabi bagus. Beh apa kaden ramen munyin gonge muah suryake di margi tusing pegat-pegat kanti rauh di purian.
44
