taler ida tan kayun. Mangkin titiang kandikaang matur piuning ring Palungguh Cokor I Dewa. Ida ajin Cokor I Dewa pacang mabuncing malih tigang rainane mangkin sareng I Galuh Liku." Mara keto aturne I Patih, erang pesan kone kayun Ida Raden Mantri Anom miragi orti indik ajine buka keto, lantas ida ngandika,
"Nah lamun keto, kema Ratu Biang aturin, da nira ajaka ngraos keto nira tusing bisa lakara ngencanang unduke tenenan!" Dening keto, lantas I Patih matur teken Ida H.aden Galuh. Saur Ida Raden Gal uh kandikaang ma.t ur teken okane dogenan. Dadi buin matulak I Patih matur teken I Raden Mantri Anom.
"Nah lamun sing ja Atu Biang ngencanang, kema Atu Nini aturin di purian, apang ida suba ngencanang okanidane!" Majalan lantas I Patih ngapuriang matur teken Ida Prameswari. Ngandika Ida Prameswari,
"Nah to keto ja kayunne Nanak Bagus, kenkenang men. Lautang suba Bapa Patih, patut gaenang banten gaenang suba, apa japatutne gae dogen suba. Sapipis-pipis nira tagihin". Dening keto pangandikan Ida Pra1!1eswari, lantas I Patih ngarahin panjak-panjak makejang kandikaang ngae tetaring. Mara Ida Raden Mantri Anom nyingak panjake padarepot magarapan, dening merang idane klintang teken ajine, matur ida teken biange,
"Atu Biang, mangkin margi sampun magingsir nongos saking driki, margi drika nortgos sig umahe tua, apang tan tepukin tiang anake marame-rame dini. Jengah pesan keneh tiange, ngenehang unduk i ajine buka keto." Mawanan magingsir lantas Ida Raden Galuh kalih okane.
Critayang jani di subane teka dinane lakar mamendak IdaRaden Mantri kalih I Galuh Liku ka Pajarakan, kacrita panjake suba maktaang I Galuh Liku jempana mas muah gong. Jani mara ukana I Galuh Liku penekanga di jempanane, tusing kone sedeng macelep ban gedenne tur empak kone jempanane. Dadi malipetan lantas panjake ka puri Koripan, ngaba jempana lung. Tur kandikaang ngae jempana ane gedenan. Teked di· puri jeg klesokanga dogen kone jempanane di bale gedene. iv'lakejang panjake pada kalengeh-lengeh tuara ngelah paitungan nyang abedik lakar ngae jempana ane gedenan. Dugase ento sedekan kone Ida Raden Mantri Anom di bancingah. Mara cingakina panjake makejang pada negak mlengokang, mataken lantas Ida Raden Mantri Anom,
47
