"Ento kenken dadi kali jani tonden teka ngantene, Kaki Patih? Apa sih jenenga kuangan aci-acine?" Matur I Patih,
"Matur sisip Ratu Raden Mantri Anom, titiang kapandikaang antuk ida ajin Palungguh Cokor I Dewa makarya jempana malih sane agengan ring punika, dening I Galuh Liku kelet ring jempanan druene. Samaliha jempanane punika sampun empak".
"Ento amongken sih gedenne I Liku, dadi kanti ngempakang jempana?"
"Beh ageng pisan, Ratu Raden Mantri. Betekan batisipune kewanten wenten makadi punyan buahe. Mangkin titiang kapandikaang malih makarya jempana sane agengan mangda sedeng I Galuh Liku, napi kone anggen titiang ngaryanang?"
"Bah yan keto, jani tiang ngorahin Kaki. kema nyepeg tiing petung nyang limang katih, ento anggon jempana, jangin men plengkungan. Kewala keto, anake pada majempana mas, awake kanggoang majempana tiing petung." Dadi ngenggalang lantas parekane nyepeg tiing lakar anggona jempana. Beh gede tur bakuh jempanane ento, rasa ajak lelima kone negakin tusing empak. Sasubanne pragat lantas tegena jempanane ento abana ka Pajarakan. Jani mara kone sedeng I Galuh Liku negakin jempanane ento. Apang polih masanding ajak I Galuh Liku, dening ida tuara dadi belas, antuk buduh kayune klintang.
Kacrita rauh kone suba di puri Koripan, sing kone dadi macelep jempanane di lawange, dening keletan. Ida Raden Mantri nyingak ajine masandingan ajaka I Galuh Liku. Ajine tusing kone ida nyingakin okane, dening ida nguntul dogenan, tuara purun macingakan kija-kija. Dening Ida Raden Mantri Anom nyingak panjake makecoan begbeg sarag-siriganga dogen jempanane, dadi tampekina lantas panjake teken Raden Mantri Anom tur ida ngandika, "Ento kenken teka dadi begbeg karag-kirigang dogen jempanane. Sing celepang anake aba ka punan, nyen sing ya enggalan tuh muan ngantene kena ai." Ida Raden Mantri mireng pangandikan okane buka keto, nangingke ida meneng dogenan, dening ida takut teken okane. Matur I Patih,
"Matur sisip Ratu Raden Mantri Anom. Tan wenten nyandang jempanane macelep iriki ring lawangiµie antuk . ageng ipune." Ngandika buin Ida Raden Mantri Anom, "Lamun sing ya sedeng jempanane macelep dini, sing songso
48
