"lh to nyai panyeroan, kema arahin cerik-cerike di jabaan, tunden ngalih nyingnying teken panak kuluk ane nu ngidem-ngidem lakar aturin I Galuh Liku!" Majalan. lantas panyeroane ka jabaan nunden cerik-cerike ngalih nyi~gnying teken konyong. Magares kone anake cerik-cerik ka jabaan ngalih-alihin nying-nying. Cingakina lantas teken Ida Raden Mantri Anom cerik-cerike pagrudug ka jabaan, raris ida mataken teken I Patih.
"Matur sisip titiang Ratu Raden Mantri Anom. lpun kandikaang ngrereh nyingnying kalih konyong ring ajin Palungguh Cokor I Dewa. Pacang aturin I Galuh Liku."
"Lakar anggona gene kone ngalih keto-keto Kaki?"
"Pacang ajenganga reke an tuk I Galuh Liku".
"Beh, keto jene amab- amabanne I Galuh beneh ya ngas mrantaban bon.n e, aengan teken bon domba. Nab to kema tunden ngalih nyingnying cerik-cerike di glebege badanginne, nyingnying ko ditu ngebekin glebeg. Lamun ngalih konyong kema laku ka pekene."· Sajaan kone cerik-cerike pagrudug menek ka glebege ngalih nyingnying, maan kone akisa. Ada ane ka pekene ngalih konyong: maan kone akisa. Aturanga lantas .totonan teken I Patih ring Ida Raden Mantri. Jani kandikaang kone i panyeroan ngae lawar nyingnying teken pindangan konyong. Makejang kone seneb basang panyeroane kanti utah-utah ban tara kodagne ngadek bon laware. Apa buin mara ningalin pepindangan konyonge besik-besikan sig payuke. Sasubanne makejang pada lebeng lantas abange I Galuh Liku ka gedongan sambilanga nekep cunguh kuting Ida Raden Mantri masih kone Ida seneb kayunne nyingakin totonan. Yan sing bas buduh kayune klintang, meh bareng masih ida ngutah. Matur I Galuh Liku ring Ida Raden Mantri,
"Belig Mantrig, belig Mantrig, dong mrikig ngajengag, nikig sampug pragag ajengage. Beg buig aeg jag jaagne." Ngandika Ida Raden Mantri,
"Nah Adi dogen suba malu ngajengang tiang anak tonden seduk." Ngajengang kone lantas I Galuh Liku ngemol-emol. Ida Raden Mantri kanti keris pesan kone raganidane, dening ida tusing becik-becik kayunne ngrayunang.
Sedek dina anu I Galuh Liku kone ka paon ngae dedaaran. Penyeroane tundena ngayahin. Baan tuara kodagne baana ngadek bon dedaaran I Galuh Likune teken panyeroane, dadi uek-uek do
50
