tih dugase ngered I Liku. h.ene kone patakenidane,
"Kaki Patih, ento dadi ered teka I Liku, nyen sih nunden?"Atur I Patih,
"Ida Ajin Palungguh I Dewa ngandikaang titiang".
"Bah ilang jenenga suba gunanne I Liku sangkala ia ketoanga." Keto kone pangandikanne Ida Raden Mantri Anom sambilanga ica. Dening I Liku suba mati, jani pragaan pesan kone Ida Raden Mantri di gedongan. tiudi ida ngandikain oka wiadin rabine kemad kone ida, dening ida meling ring indik idane. Dadi buka buduh-buduhan kone Ida Laden Mantri, sing jalan-jalan kone ida malinggih bengong mlengokang. Kiris buin daki pesan kone raganidane. Ida Raden Mantri Anom meneng dogen kone masih ida, tusing pesan ida taen ngaturin ajine. Begbeg kacingakin dogen pamargin idane. Ngagsan di Bancingah kone Ida Raden Mantri mlinggih . Dening keto indik Ida Raden Mantrine, dadi jejepan pesan kone Ida Raden Mantri Anom, lamun nyen ajine sing ka pasare. Di jalane ka pasare suba ida, lantas ajine bengong-bengong ditu, kenken ya lakar kemadidane nyingak ajine buka keto. Ditu lantas Ida Raden Mantri Anom nampekin ajine tur ida matur, "Ratu Guru Aji, margi Guru Aji ngapuriang sampunang deriki malinggih, Ngapuriang lantas Ida Raden Mantri kairing ban okane. Sarauh idane di purian, lantas Ida Raden Mantri katurin mangda masucian antuk okanidane . Tutut kone Ida Raden Mantri, lantas ida masucian, usan masucian lantas ida malukat. Suba keto, mara kone becikan kayunidane.
Gelising satua Ida Raden Mantri buin kone becik-becik marabian teken Ida Raden Galuh buka ne suba-suba.
53
