anak jelema sajaan." Mara Ida Raden Galuh ngandika keto, matolihan kone lantas I Patih. Mara pedasanga Ida Raden Galuh, beh ngon pesan kone dane nyingakin buat kajegegan warnan Ida Raden Galuhe, nanging ceda baan gede dogenan. Dadi buung kone I Patih malaib, tur lantas dane matakon teken Ida Raden Galuh,
"Nawegang tiang Jero Luh, sapasira Jerone, dados purun Jerone deriki paragaan. Raga istri ring tengah alase wayah?" Masaur Ida Raden Galuh,
"Bah, yan buat entone takonang Jerone, sing suba tiang bisa ngorahin, dening tiang sing ja nawang meme bapa. Kalingke desan tiange takonang Jerone.
"Nggih niki Jero nyen, apang tiang nawang masih?"
"Tiang parekan Ida Raden Mantri Koripan. Tiang kapangandikaang meriki nelokin pondoke puniki, tur tiang nikaanga ngedih toya meriki, dening ida kasatan."
"Nah yan buat yeh tagih idih Jerone, ada yeh, nanging tiang tusing ngelah cedok. Melahan suba Gustin Jerone aturin mai, apang raga-ragana ngambil ditu di gentonge!"
"lnggih mangda becik antuk tiang ngaturang ring Ida Raden mantri, sira dados pesengan Jerone?"
"Nah yan buat adan tiange ja, dening tiang gede pesan, tusing nganutin manusa, madan tiang Luh Gede." Suba jene keto malipetan lantas I Patih ka genah Ida Raden Mantrine, tur aturanga undukne i tunian. Dening Ida Raden Mantri meled pesan kayunne apang ida uning teken Ida Raden Galuh, dadi kema lantas ida ka pondok Ida Raden Galuhe. Sarauh idane ditu, cingakina lantas Ida Raden Galuh. Beh makejangne kone angobanga teken Ida Raden Mantri, buat kagenganne muah kajegeganne Ida Raden Galuh. Makayun-kayun Ida Raden Mantri,
"Dadi aeng ja tawah anake luh tenenan, dadi sing anut pesanteka gobanne teken awakne. Awake gede, dadi jegeg pesan ja gobanne. Suud Ida Raden Mantri makayun-kayun keto, mataken lantas Ida Raden Mantri ring Ida Raden Galuh. Patakenidane patuh teken pataken I Patihe. Saur Ida Raden Galuh masih patuh buka saur idane duke ida katakenin baan I Patih. Suba jene keto aturina lantas Ida Raden Mantri toya mawadah don teken Ida Rade Raden Galuh. Ajenganga lantas toyane teken Ida Raden Mantri tur ida ngon pesan, dening tuara ja telah-telah antuka ngajengang
69
