Raden Galuh Daha teken ajine. Ida Sang Prabu tan ngicen, dening Ida Raden Galuh Daha suba madrewe pepacangan. Keto pangandikan Ida Sang Prabu, dening ida masih tusing uning, Ida Raden Galuh Daha sampun marabian. Ida Raden Mantri Anom pengkung kayunne, lantas ida makarya surat pacang katur ring Ida Raden Mantri Koripan. Isin surate, Ida Raden Mantri Anom ngarsaang Ida Raden Galuh Daha lakar kaanggen rabi. Sasuban surate ento pragat lantas ndikaanga pepatihidane ngaturang surate ento ka Koripan. I Patih majalan ka Koripan,
"lh ento Paman Patih uli Mataun mai, apa jenenge buatang Paman?"
"Matur sisip Ratu Raden Mantri, titiang kapandikaang ngaturang lingga tangan antuk gustin titiange Ida Raden Mantri Anom ring Palungguh Cokor I Dewa". Keto aturne I Patih, tur lantas aturina Ida Raden Mantri surate ento. Ida Raden Mantri ngambilin I Patih, tur lantas ida mawesin surate. Dening surate tan lian buatne Ida Raden Mantri Anom ngarsaang Ida Raden Galuh Daha. Suud Ida Raden Mantri Koripan mawesin surate totonan, raris ida ngandika,
"Nah buat ento kene Paman, apanga da nyen anake buka Paman muah gustin Pamane salah tampi tekening nira. Dening Ida Raden Galuh suba marabian, nira nganggon ida rabi, nah kema suba Paman matulak ka puri, aturang keto ring Ida Raden Mantri Anom. Buina ne ada ja buka arin nirane Raden Galuh Made, yan Ida Raden Mantri Anom kayun teken arin nirane, tur ida ja nyak makurenan kema, nira sing ja kenken. Menne jani, kenken men ban nira ngenehang, dening nira suba nganggon ida kurenan."Dadi matulak I Patih ngaturang indike totonan ring Ida Raden Mantri Anom. Ida Raden Mantri tan ngega teken pangandikan Ida Raden Mantri Koripan, katarka Ida Raden Mantri Koripan melog-melog ragane. Dadi erang kayun Ida Raden Mantri Anom tur ida prajani buin makarya surat, kajakin Ida Raden Mantri Koripan masiat. Dening Ida Raden Mantri Koripan uning ring raga patut tur kaduunan, dadi durus ida mayuda matanding teken Ida Raden Mantri Anom. Pamuput kaon Ida Raden Mantri Anom, tur lantas ida nunas urip teken Ida Raden Mantri Koripan. Ida Raden Mantri Koripan sueca, tur buin katarinin Ida Raden Mantri Anom buka pangandikan idane ne suba, yan ida Raden Mantri Anom seneng
73
