Dugas kawangun olih Jimmy Wales taun 2001, Wikipédia nglimbak pesan. Simalu ada Wikipédia bahasa Inggris
taun 2001, lantas katutugin olih Wikipédia basa-basa ané lénan, silih tunggilné Wikipédia bahasa Indonésia taun 2003. Wikimédia Foundation ané kawangun taun 2003 sayan nukung panglimbak Wikipédia lan proyék-proyék pasametonané lénan. Di Indonésia, Wikimédia Indonésia
suba nglaksanaang proyék-proyék ané stata nukung panglimbakné miwah nincapang mutu Wikipédia, uli
isi konténé miwah pangayah ané ngamilunin Wikipédia.
Silih tunggil program ané kalaksanaang olih Wikimédia Indonésia minakadi program WikiLatih ané suba majalan uli taun 2016. Program WikiLatih ené matetujon nglatih
nulis wiadin nguah sesuratan di Wikipédia. Sakéwala sesampuné kalaksanaang di sakancan daérah miwah makolaborasi ngajak instansi, organisasi, taler komunitas, enú liu ada patakon-patakon umum unduk Wikipédia ané pepes katakonang. Ané nakonang ento biasané uli pamilet wiadin sameton ané makolaborasi ngajak Wikimédia Indonésia. Kéto masi, di média sosial Wikimédia In-donésia cara Facebook, Instagram
|
wiadin Twitter setata liu ada né nakonang patakon-patakon ané mesib.
Patakoné sakadi, apa bédané Wikimédia tekén Wikipédia, apa ké dadi nedun di Wikipédia, éngkén carané
nedun informasi ané beneh uli Wikipédia, apa dogén ané dadi tulis di Wikipédia, lan éngkén carané nglimbakang Wikipédia sajeroning basa daérah, makejang ento pinaka patakon-patakon ané pepes takonanga.
EDA NEDUN ULI WIKIPÉDIA! Cakepan bawak panuntun Sameton ané meled tekén Ensiklopédia paling gedé di maya buana inggih punika utsaha uli Bhaga Program Pendidikan
Wikimédia Indonésia ané lakar nyaurin patakon-patakon ento.
Bhaga Program Pendidikan ngaptiang apanga cakepan panuntun bawak ené nyidang ngwantu saha ngamaang gatra unduk Wikipédia kapining
Sameton ané lakar madabdaban nyarengin Wikipédia.
Jakarta, 16 Maret 2020
Bhaga Program Pendidikan
Wikimédia Indonésia
|