na tillin pagogalok, len mangamuk noltol ati, ada ngiberang kulit, bebuahan lan pepusuh, basang lan jejaringan, mata ebol lan jeriji, kekembungan, sig kepuhe pasulengkat.
61. Rebut buyung pagerayang, maogahan tempuh angin, paketeltel pakerocok, kalud nggedegang ati, kalud bonnyane alid, matereh-terehan bengu, sagaon pagurenggang, makerah saling langkungin, ngrebut bangke, sig kepuhe pagerajag.
62. Suba tutug sandikala, suryane engseb inuni, bangun pada ngalih enggon, kedise sabeng wengi, krekuak, kokokang maling, deres caak lan celepuk, kutuk-kutuk cegingan, pagurekgak pacelegik, ngawe takut, munyin swalake mangerak.
63. Enjek pupu pageradab, kumangbang ngresang ati, tangantangane pagayot, paseriut manyanderin, laweyan ngrebegin, ranggah mlimane matakut, kumandange mangemboang, munyinyane nyerit, kumambub, len memedi pangurisiak.
64. Ne gundul buta Blohmata, sok mata gede mandelik, ne saliwah buka sorot, badeng ne asibak putih, pepengkah basange endig, nggena kendang marungpung, kadompol basange beyod, gede bawak jeneng kaling, moa barong, anja anjane manyungsang.
65. Buta ulaung ngaba sirah, buta bang ngigelang ati, ne putih kosa mangesoh, pepusuhane jua gisi, muah butane kuning, bebuahane jua rebut, pagereng pada girang, merekah saleng rebutin, ngawe takut, polahe kagila-gila.
66. Pan Brayut mangloyokang, memegeng masih memusti, mangesti sadiane kaot, sangkannya tong ada imbih, gegodane tan sipi, kedahatan bane puguh, idep magrebong meyong, ne tuara kaden maisi, suba puput, sadiannyane tan kocapan.
67. Dauh pitu saget suba, rame anake ngetungin, mbalegbag baa katon, langite ne mulu kangin, culik-culik memunyi, manganti lan tuhu-tuhu, goake lan mangagalok, cicinge
41
