papa, suka duka tuara seje, makadi sampun dumun, duke"
dereng manangah gumi, kaican warah-warah, nemu hala hayu,
nging titiang kewala langgap, mangaturang titiange saka ring
lewih, papa uli bau lekad.
46. Rauh mangkin dereng manggih lewih, kapindowang narakane
sandang, tilar ring i bapa meme, tur kanyud bahan kakung,
tuara polih ucapan becik, telas ngaturang awak, pacang juru
sapuh, lewih kanggon juru jakan, antuk ida rain i dewa tuan
mantri, titiang tan kalih manah.
47. Raden dewi wacanane manis, wantah boya iwang sapunika,
yan sampun jatu kramane, kudiang sih bakal luput, adwa
parek dening makadin nunas dewa mantukan, tumuli matun-
tun, raine sada mangarad, di pungkuran sada tawengan
ningalin, rakane makalihan.
48. Tulen dadarine saking swargi, I Supraba lan dewi Lotama
mangayang-ayang, warnane, sing tingkah anggon patut,
teked di jeroan ida gelis, ngojog ka pangiasan, kahatur an
suruh, sami raris nginang sedah, raden mantri Ambarapati
ningalin raine makalihan.
49. Raden Ambarapati nabda aris, duh dewa titiang kalintang
congah, mangambil rakan haguse, titiang naweg mahatur,
nunas hurip gung sampura ring, wong mami tan weruh bahan
teka purun ngadu, tata tan pajati tingkah, titiange mangambil
I Ambarasari, duke ring pulo Mas.
50. Mas Tilarnagara nyaurin, saha sembah titiang lintang rena,
kadi katiben suryane, rikala tengah dalu, santukane idewa
sudi, mangambil jadma papa, ande ipun ratu, pitik kalebwing
jambangan, sapa sira anake olas mangambil, yan lian ring
idewa.
51. Tan kacarita di taman sari, kawuwusan ne lunga mangalas
sang prabu malih kocape, i tumenggung mangarusuk, sam-
pun tepek genahe nrepati, rame suraking balane pada mange-
ruruh, ne pada kapiragia, ring sang nata pada seleng kawitin,
sang prabu mamiragia.
52. Sinengguhang musuhe mangalih, sri narendra reke dahat
123
