V. PUH DANDANGGULA
1. Saking gelis tuturan puniki, kacarita ne di tengah sagara, Raden Ambarapatine, kalih sasih ring laut, sampun ida kampih kasisi, di pelabuhan Malaka, sating ica tuduh uripe sama ian seda, Raden Mantri, kari baleng kalawan kulit, kalih lawan I Angsoka.
2. Rambute gempel dadi abesik, sing tonang nyengguhang babedan, ne tuah raregektunggeke, yan nya tuah jadma tuhu, nguda kene payahe arig, ada ya nalektekang, ih tuah jadma tuhu, tidong ada babedan, yan di mua awasang manis makenying, mairib tuah anak menak.
3. Raris ngojog ring idagang nasi, aduh bibi titiang nunas ica, mamitang toyane aketelan, idagang welas kalangkung, inggih cai mai te dini, bibi maang cai daar, tuan Mantri masaur, titiang tuara makta jinah, nah sampunang, cai manaurin bibi, akude cai madaar.
4. Raris kasagiang maka kalih, masarengan madaar patelahan, i dagang nasi munyine, tuhu tuah bibi tanruh, sapa sira jua i gusti, gawok bibi ngatonang, payahe kadurus mung kulit ngaput itulang, Raden Mantri sumaur wacana manis, titiang wong kawelas arsa.
5. Karaning sapuniki nguni, pecak titiang mahalon-alonan, negakin baitane gede, tan pasangkan angin rauh, linus banget kalawan riris, peragune raris bencah, rusake di laut, bandegane petang dasa, lan juragan, telas ilang tuara kari mung titiang pakakalihan.
6. I dagang nasi munyine manis, inggih gawok bibi mamiragiang, mangkin kija pangungsine, Raden Mantri masaur, ndatan wenten kanten pangungsi, sing jalan kapetengan, irika maturu, idagang nasi angucap, lamun keto, margi ke kajumah bibi, irika jua magenah.
7. Bibi balu amung padidihin, ne di jumah tuara ngelah pianak, Rahaden Mantri sabdane, yan ica bibi nuduk, titiang nista tur sapuniki, titiang ngiring sapisan, usang manyekul, i dagang
87
