gadung, mrebuk ganda awiletan, gandaning jebad mrik arum, widiadari ramia suka, macengkrameng majang wulan.
83. Amuhara pada legeng kayun, kasmaran idepe, tan dadia dening ngret kapti, saktining smara nusup, yaya wong awuru gadung, sawetning kapadan karsa, payu anakaken kayun, salulut saungguan-ungguan, pan purih iki mangkana.
84. Wusing salulut kalih tumurun, adius mareng luah, anama luah suranadi, kawasa malih awantun, jejaka rara listuayu, mangkana kamotamane, datan ucapen den ingsun, Ki Wiracita ngamong arsa, sida manggih suka sada.
85. Bagus Diarsa jani kawuwus, sedek wang desane, bau suud maci-aci, manyujukang tetarub, tui wawiden Anak Agung, uran mateh palaksayan, Bagus Diarsa kawuwus, kawidi mangadu uran, apang matoh tigang laksa.
86. Bagus Diarsa baane kerud, mangrasa kadosan, baane tiwas ngalisting, inget teken anake berung, mamunyi teken ne luh, ira mani palimunan pacang ring anake berung, ngalih siap uran, nyai jumah apang melah.
87. Tan kocap wengi das lemah sampun, I Bagus Diarsa, makiken jani inamargi, ka sanggah lantas nyemut, bulun siape tatelu, teked di margane gede, lebangin makatatelu, nyeler ya ngajakanginang, Bagus Diarsa nuutang.
88. Sayan joh pajalane ndarung, liwat carik abian, masih nu mambeneh kangin, alas wayah katepuk, tuun jurang menek pangkung, tebing terbis pringga rejeng, sayan joh lampahe ndarung, pragumine sayan tawah, mirib tuara sabeng janma.
89. Suba liwat gununge papitu, manggih tegal linggah, sawat kauh sawat kangin, kaja kelod ngalintung, tuara ada pati kayu, padang tekening ambengan, tuara da mangenah gunung, sok langit tekening tanah, linggahnyane apeliatan.
90. Atmane liu ditu katepuk, soroh watek papa, kapanesan
55