manganti, raris ngandika alus, Wiracita kema pesu, papagin nanang ibane, ajak ya mai manglaut, I Wiracita manyumbah, tumuli raris ka jaba.
149. Dane Bagus Diarsa katepuk, batan baingine, manegak maarep kangin, I Wiracita rauh, manyumbah asemu guyu, bapa margi ka purian, pangandikan Sanghyang Guru, Bagus Diarsa angucap, ne cai nyenja ipan.
150. I Wiracita asaur guyu, lali wiakti bapa, panake mangkin tandruhin, Bagus Diarsa laut, manglaut mangusud-usud, paling pasaja i bapa, saget suba kelih bagus, anake dijaa, I Wiracita angucap.
151. Inggih puniki dados Hyang Guru, puniki purine, nunas ke bareng mangraris, Bagus Diarsa bangun, lantas membenahang saput, sada nalepdep majalan, widiadari liu pesu, manabing bilang jendela, mabalih Bagus Diarsa.
152. Saleng tundik mawangsit to ditu, to matuan nyaine, teka mai ngalih nyai, raris pada gumuyu, manimbal kenyem masaut, embok masih mamatua, tekening dane i bagus, kema enggalang ke sapa, ada len malih angucap.
153. Adanira to ne bau rauh, wayahan susap, yen rupa tuah masih pekik, pantes tuah Anaka Agung, kuciwa baane rutrut, ada len malih angucap, nguda keto baan nutur, tidong buka i nyaine, demen teken nene bajang.
154. Kedek mabriak mangkep bungut, i Bagus Diarsa, bengong gaoka tan sipi, manganot sarwa luung, mirah winten manik murub, lewih panganggo baleno, merune agung aluhur, tumpang solas sarwa mas, maperegi winten mirah.
155. Rauh ring pahiun Hyang Guru, nyongkok raris nyumbah, Betara ngandika aris, teka ko iba bagus, apa gawen bane rauh, Bagus Diarsa manyumbah, nepes tumuli maatur, titiang parek ring Batara, misadia nunas lungsuran.
156. Antuk titiange mangkin ngalentuk, kakeninin uran, wawiden metoh aketi, antuk I Gusti Agung yan titiang nen-
63