109
15. Da buin matakon apa, jagjag matiang makadadua da ngolasin." I wong
desa mapiturut, raris majalan nyerepang, peteng lemah, suen ipun maka-
telun, nenten pisan wenten gatra, raris matulak ne mangkin.
16. Sateked dane di jumah, kadi smayin I Huruja parapti, I Gede Taman
amuwus, "Sapunapi pangguh gatra." I Huruja, sumawur, "Ndatan ma-
mangguh, malih nenten wenten gatra, anak muani minggat dini."
17. "Jani dayan beli nyamuakang, ring wong desanyen ya makatang, i ce-
ning, yaning suba enyak ipun, apang ento lantas nyuang," Gede Taman,
masaur wantah mamatut, raris majaruak di desa, i wong desa egar sami.
18. Wenten ne prenah mamisan, wastanipun Dirantaka raris mulih, ngambil
kris kliliranipun, kaucap I Gunapangan, raris luas, nyusup alas durga tre-
jung, tan critanan Dirantaka, ngrereh ka Wananegari.
XI. PUH ADRI
1. Kawuwus I Mladprana ngrungu, piorta sujati, Ni Ketut Oka ninggalin,
ndewek dane mangalalu, telas maninggalin guru, antuk satia ring waca-
na, krana manglalu ring lampus, tong pangguh baan nyerepang, kesahe
satiba para.
2. Wau daslemah I Mladprana bangun, negak ngembeng waspa, "Dija alih
titiang gusti, yan di pasih yan di gunung, reh tan magatra i ratu, kari
nyeneng lawan pejah, yan i ratu sampun lampus, alih titiang ajak pejah,
mangda titiang masarengan.
3. Yan kene titiang nu idup, tan sah nandang lara, masangu ban sebet ati,
pinah nrakane kapangguh, ban ida tuara kacunduk, krana mapinunas
pejah, yan nu idup sakit kayun, sakadi sakit kacacar, pabaliknyane nya-
ratang."
4. Mangamikmik munyinnyane ngacuh, kabatek duhkita, tuara dadi ban
ngamberin, raris dane ngunus duung, nyadia nuwek raga nglalu, Ni Luh
Ngasa saha nyagjag, ngebutin keris puniku, "Nguda Gusti nyadia pejah,
akuda nrakane tatak."
5. I Mladprana jani jua mawuwus, "Mbok Ni Luh Ngasa, krana titiang
culup mati, idep apa anggen silur, silurin ban bajang satus, tong atengah
Ketut Oka." Ni Luh Ngasa tur masaur, "Lipurang kayun i dewa, da ngu-
lurin manah osah."
