135
samah, dada gigire mabulu, atub suket luwir alas, untu putih, calinge ngredep tur panjang.
7. Pangaksiane kadi kasna, selem malodlod tur ngendih, luwir meka mapas surya, anggrek gringsing punang suku, raga tangani saliwah, basang endig, nabi ngendih manca warna.
8. Lindu kang pratiwi rengat, mledot dane raris mijil, ring arep IMladprana, I Mladprana tongkejut, Wakparusa bah nungkayak, manguliling, I Kawitweruh kasaban.
9. I Mladprana ngregepang, Sang Hyang Aji Wisnu Murti, nunggaling cita matemuang, pucuk lidah tungtung irung, mangregep mangranasika, mantra sandi, Ni Pancapuspa ia punah.
10. Lesu tan kawasa molah, matimpuh lawut ngubakti, "Inggih dewa Mladpprana, sampunang kadurus bendu, titiang nunas geng ampura, minta urip, nyadia mamanjak katitah.
11. Tungkasang titiang pucukang, nyiyatin Ni Dukuh sakti, I Rudita muah Dustaka, mangda mati tanpa tatu, kena upas gring kadadak, tiwang angin, gerah ngemokang ring basang."
12. Keto atur Pancapuspa, Mladprana mendep minehin, Wakparusa bangun nrajang, sareng lan I Kawitweruh, manesek Ni Pancapuspa, ngusud cadik, naen tendas laut mojar.
13. "Janiko krasa ban iba, dosa nyungsung anak pelih, teteh pees bungut ilar, cadik galir lintang jentul, kenehe satata corah, meruk takil, engkang isin nyane tuna.
14. Tuna sakti ngagu sumbar, ila pakeweh kapanggih, kalingke nyai manusa, ida Sang Hyang Brahma Wisnu, sumbar manggihin sengkala, kalingke nyai, manusia kaliwat corah.
15. Corah katempur tumbuhan, luh yogya kalahang muani, sakti kalahang kadharman, mangiwa panengen nempur, buka telu suba kalah, lemah wengi, pituwi di sakti kalah.
16. Yogya jiwane tawurang." pedang bapane tanggapin, Wakparusa gagrepenan, misadia mamunggal lawut, nyambak tendas ngunus pedang, tur manuding, I Mladprana nyagjag melat.
XXX. PUH DEMUNG
1. "Sampunang bapa barangti parikosa, mamademang anak nungkul, ila kadharmane lebur, titiang matur mapekeling, nguningang kawi carita,
