142
ngit, nekdekang batu agunung, ngaleserang tukad akah, neleng surya
ngurug pasih, ngenyatang danu, ngujuh langit nampa gajah.
4. Krana ne jani patutan, Ni Dukuh jwa anggen kanti, banggayang titiang
ngokasang, sinah i ratu katampi, yang sampun ratu lulut sih, maring
dane jero Dukuh, I Rudita titiang mejah, sampunang ratu nyarengin, si-
nah lampus, antuk titiang sareng tiga.
5. I ratu dadi puwana, namtamin ngamong pawestri, twara ada manyang-
kala, musuh kalah istri bakti, baktin titiang saking jati, yan mitulak
mangkin atu, tan wangde sengkala seda, nyiyatin Ni Dukuh Sakti, sakti
putus, tulus ratu basmi buta.
6. Napi pacang kenten titiang, nyadia naresnin i gusti, ratu maninggalin
seda, las ran tolihan ring rabi, Ketut Oka lan Warsiki, satia bakti saking
nulus, tidong padalem elingang, yan kajarah maka kalih, antuk ipun,
I Rudita nganggon somah.
7. Yen kento tusing jengahang, krana idepang ne jani," I Mladprana tan
pangucap, mamengos nglenang aksi, I Pancapuspa nyaurin, "Duh nyai
maka tetelu, ngonek mbok nyadia lega, ring pagurwan nungkas bakti,
belog biluk, twara nawang asan jengah.
8. Dong ja buka nyai pradnyan, bisa jengah bisa bakti, nawang patut saso-
lahan, krana teka nutur mai, guake buin mangsinin, cetaka urukang
nambung, sikepe urukang ngindang, pasihe pasihe buin uyahin, suba
madu, ento buin jangin gula.
9. Nah ne suba lebian pradnyan, pakayun waluya pasih, mabiyas ban ka-
patutan, matoya antuk satiti, malinggah luih ing kanti, dalemnya ka-
darman terus, saktine maka parangan, luih naya maka didih, ombakipun
kadiran jaya laksana.
10. Ento krana eda pesan, nyai mai mapi bakti, di harep makuma tresna,
telektek satru putui, ngepet singse saking singid, melahan pisan masatru,
apang da kaden ngalanggang, yan matiang ia mirib bakti, yan kalulut,
rasa tan wangde nyangkala.
11. Krana jani sedeng ilisang, kija pacang lakun bakti, yan manggeh teken
pagurwan, tulak jani kema milih." Ni Swetagana nyaurin, "Dini suba
iba nyintud, sing buungan iba pejah, I Mladprana milu mati, ban ia
punggung, ngagwang awaknya paradnyan."
12. Puput mojar raris tulak, ndatan carita ring margi, rauh maring Suradwipa, matur ring Ni Dukuh Sakti, satingkahe kapiuning, I Dukuh ia duka murub, "Nah nyai maka tetiga, tututin meme ne jani," tur lumaku
rauhe ring Smasana.
