168
bras, ngandikin Ni Ulasari, "Aduh eleh jani kudiang, icang ngraja swala dini."
16. Ni Ulasari amuwus, ring panyamannyane sami, sami makapatpat mrika, saja dane melad getih, Ni Wiraga ngajabayang, neked ditu matur aris.
17. Ring ida anake agung, gagison ipun mamargi, sampun rauh ring payunan, negak ngalawut ngabakti, tumuli mahatur banban, srenggara ature manis.
LII. PUH DANGDANG
1. "Inggih ratu dane Janggaketaki ngrajasewala, wawu wus masucian, sede mlinggih ring ambene, iring titiang ngajum gelung." Sang Nata raris ngaranjing, sarwuhe maring puryan, kahaksi cokor sang ayu, ngasorang pudak cinaga, gading nyalang, sayang jwa katiben getih, sang Nata raris ngandika.
2. "Ih iba parekan cenik-cenik lan panyroan, to ajak makejang, kema jwa ka pamengkange, iringang dane sang ayu, lawut ditu jwa tongosin," tutut ngiring sareng samian, sang Prabu ngandika alus, maring dane Ketut Oka, "Nggih i dewa, di pamengkang kalih wengi, wus mabresih mriki tulak.
3. Ketut Oka mamargi wus mapamit ka pamengkang, srawuhe i rika, kari ibuk pakayune, sida ban belas sang Prabu, Mladprana kudiang ngalih, keto kayune tan elad, raris dane merem nyingkrung, nuwos ngaduh madekesan, liyat nrawang, yeh panone nrebes mijil, mijil tangise sigsigan.
4. Lintang bingung ia Ni Ulasari mangantenang, sang manandang lara, lara jwa manahe, tur manesek ngelut suku, "Duh dewa sang ayu luih, napi sungkanang i dewa, ndikayang ring titiang ratu, bilih sida antuk titiang, mangicalang, antui ayah tindak bakti, titiang misadia ngiringang
5. Sang ayu tumuli nyawurin sret banban, "Nah yan nyai tresna, saking saruse idepe, mbok ngorahin nyai Luh, krana mbok sakit hati, mbok manyama padadwanan, jani tinggal sinah sungsut, mbok suba dini lega, dane jumah, sinah nama sakit ati, meh katekan ngutang awak."
6. Ni Ulasari nyangga nyaurin, "Yan sujati, kranane punika, titiang ngiringang kayune, ngrereh dane mangkin mantuk, karyanang surat akidik, niki dawat miwah kretas." Janggaketaki sumawur, sida ban nyai nyaruang, apang danan, kacihnan tekane mai, antuk manuseng Pratana.
7. Apang da anake dini uning manyengguhang, mapilihan somah, mati
