173
ala ayu, urip yadin pejah, sapunika saking jati." I Mladprana nanggal ngucap, "Yan keto kereyang Eluh."
15. I Mladprana tur mamusti ngaregepang, masangang sasirep laut, sami lep- lep aturu, sawong ing Pratana wyakti, Ni Jangga Ketaki medal, miwah panjronan catur, kesah tan mantulan, pamucuk Ni Ulasari, tan ucapan lampah ira, sampun lintang tegal neku.
16. Crita sang Prabu matangi palimunan, ngandikin parekan riku, sane tuwa ati sadu, "Kema iba mangaturin, sang Ayu maring pamengkang." I Tan- mala jwa lumaku, rauh ring pamengkang, dapetanga sunia sepi, Tanmala tulak nguningang, ature mijil ngarumuk.
LV. PUH MIIL
1."lnggih ratu sang Ayu tan panggih, suwung ring pamengkang." Sang Nirnaya maireng aturu, tur makesiab, cuwong paramangkin, "Alih to i Patih." Tanmala raris lumaku.
2. Sampun prapta Tanmala ring yawi, panggih pajulempang, kari nidra De- mung Tumenggunge, para Mantri, miwah Gusti Patih, panjaka pageris, ne mangkin sami kadundun.
3. Tur matangi rika sareng sinamia, ngapuryang, neked ditu napak sasilane, Sang Nirnaya, mangandika aris, "Iba sareng sami, ingwang katinggal sang Ayu.
4. Sang kanikin ada ngelur ngeling, ada mlengok bengong, Gusti Patih ba- rak wedanane, liwat jengah, maselselan ngumik, "Aduh kudiang jani, elek jengahe kapupu.
5. Bas cageran ngacagerang jani, malih ne utama, tami'jani congah jwa atine, bas mapilih, peluh pelih dadi, ngelah ban mamaling, maling jani ngalih angkuh.
6. Munyi muluk manis jwa mane sin, mamanuh mangeboh, manatonin nya- kitin atine, awah enyud, nyad atine jani, reh mangid manyingid, bakat gisi ngranang gisu."
7. Gisu mangkin dane Gusti Patih, matur ring sang Nata, "Inggih ratu ma- ring udianane, ngiring mangkin , serepang i ari, sing saget ka beji, wus masucian makulangun."
8. Sang Prabu mituhu I Patih, mamargi ka taman, Gusti Patih mojar ring Demunge, Ki Tumenggung, miwah para mantri, sami pada ngiring, kema nyerepang Jumaku.
