175
ring we kuntane, tan ucapan sang, Parabune mangkin, crita sang ring
margi, lampah I Demung Tumenggung.
22. Sampun pangguh sang Ayune mangkin, ring Janggala wiyar, I Mladpra-
na mangangken ngambile, sira Demung tulak sane mangkin, nungkang
kuda gelis, nguningang ring sang Prabu.
23. Sang Nirnaya dukane tan sipi, raris ida budal, tur mapayas ngangge
karatone, wus mahiyas, ratane sumaji, srati I Dusbvdi, kuda panarik
akutus.
24. Kang sanjata wus masimpen sami, maring rata ika, wus cumadang pu-
nang prajurite, asahara, ngalinggihin wajik, manggala I Patih, nunggang
sregep sampun.
25. Tur mamargi prajurite sami, luir mega katon, gusti Patih sekadi linuse,
Sang Sri Nata, paka kilap tatit, dunnangala mangkin rauh.
LVI. PUHDURMA
1. Kang andaru tumiba tatan pantaran, suryane mateja kuning, nora ka-
panesan, mubu dedet punang rat, gagak gora anamberi, udan rudira,
asu ngalulu tan koti.
2. Sang Sri Nata sura tan awedi pejah, ndatan janggal mamargi, tan ucapan
sira, sira Tumenggung kocapan, sampun tampek ngetut buri, matbat
Mladprana, "Ih kamu manusa pekik.
3. Eman pekik rupamu hatimu dusta, angamet sang Ayu luih, catur pali-
wara, tan ketung kang baya prapta, luir salapa ngungsi geni, wulangun
ring rupa, tan wurung atemah wisti.
4. Nging yan kita arep urip wedia pejah, wangsulakan sang Putri, teher kita
nembah, wus nembah malaywing wana, manawa pwasira urip, yan tan
mangkana, ingong mangke amejah."
5. I Mladprana sumawur ndatan prakasa, "Kita sang kadi ageni, angga
muka rakta, kita wruh narirna sembah, yan kagengan sembah neki, ta
wruh narirna, tan wun pejah mangguh wisti."
6. Wus mangkana ujari I Mladprana, tan amentang laras gelis, "Trimanan
sembah ingwang." Puput minantran linepas, mijil detia kembar luih, luir
Kahuitaka, tomara ssanjata iki.
7. Sang Ayu runtag ngetor tur umojar, "Bell titiang twara bani, manying-
akin siat." I Mladprana alus mojar, "Sampunang sangsaya adi, beli tan
keputan, rebut satru laksa koti.
