94
ALIH AKSARA GAGURITAN I MLADPRANA Om Awignam astu nama sidyam. Swakawya
I. PUH DANGDANG
1. Manah sarat Sujati saking ngapikin ngawe gita, anggen nyalimurang, pamrat ing sakit hatine, eling teken tumbuh lacur, uling cering nganti kelih, twara nawang keneh jirna, rasa Widine mamusuh, krana tong ngelah geginan, goba kasar, tiwas ludin tan pahaji, manah paitungan tuna.
2. Krana sami braya wargi dadi hati tan tolihan, pisaga tan lega, krana titiang payu sedih, sedih inguh manah sungsut, manyelselang sang dumadi, lintang tan pakerti pisan, karana jani titiang nemu, nemu kingking tan sah wirang, tan paneda, sanguin antuk pangawi, pinehke dadi lipurang.
3. Nglipurang citan sang ngawi iki lintang mokak, cangkap lintang langkap, pupuh gending liwat paling, kabatek pongahe ngetuh, twara takut kakedekin, inggih sudi sang mamaca, ida yadian dane ipun, makadi Hyang Kawiswara, Saraswatya, sweca ngampurayang ugi, titiang tambet mabet bisa.
4. Nyaritayang katuturane riyin satwa nungkang, masih kadurusang, ngawitin pangawi iki, dina Bregu Siwa Retu, ukun ipun Sila-Giri, kresna paksannya ping sapta, sasih kartika kawuwus, ulu weda rahnia sunia, isakannya, pawilangan cara Bali, sinia naga warga nora.
5. Cara Blanda tanggal nyane wiaktin netra sua, September wulannya, taunipun critang mangkin, cara ulandi punika, wong wreksa wulan asti, pradeseng sang ngawi gita, ring Manga nagareku, wetan ing wratmara ika, wesman ira, wah ing cita naman eki, ingaran sira ing perang.
6. Ampurayang tiiiang sang mangurit sami tuna, reh tan ja gaginan, manadi juru kawine, kewala antuk ulangun, ring satwan anake nguni, kerama laju ng we gita, anggen panyalimur inguh, inggih manahe lipurang, ban kakawian, satuane anggen nglemekin, manahe ibuk uyang.
II. PUHDURMA
1. Saking durma mimitan ing carita,carita yang ne mangkin, ring pradeseng Kasta, mangaran I Rudita, matur ring gurune mangkin, "Duh inggih bapa, titiang mapidaweg ugi.
