mangenot, kaarep masebeng ngeling, Gusti Tuban kaungsi, saking jarane macebur, dadi kema mapapas, ken Gusti Ketut Colagi, Gusti Bendul, I Citra Guna mamatbat.
348. Ne iba wang Pamamoran , ne jani kembulin, sekereng ibane nyocoh, sing ja kai mangalahin, Gusti Ketut Calagi, sareng Gusti Wayan Gandut, nyagjag raris manumbak, nanging tuara mamelurin , Gusti Gandut, kawelas kena kasempal.
349. Sampun dane bah nyalempang, I Gusti Ketut Calagi ngenggalang raris makecos, I Citra Guna tut buri, sambil manganggar keris, yatna Gusti Tambak Gangsul, karep manganggar pedang, I Citra Guna Gangsul, karep manganggar pedang, I Citra Guna nimpalin, saling suduk, pacta tuara bisa kelor.
350. Pada mangendigang tangkah, tuara takut katebekin, dening mula pacta katong, suba pacta mejang keris, maruket silih panting, silih heheb silih gutugut, saget pasilih tinjak, pada bah manyungkiling, buwin bangun, pada silih jambak tendas.
45b . 351. Makelo saling pantigang, pacta tuara ngelah jerih, I Citra Guna ia kawon, mapan bungkulane cenik, bakat ia kategakin, antuk Gusti Tambak Gangsul, lawut kantep-antepang, ulun atine kenjekin, buwin kacekuk, tong dadi baan ngolejat.
352. Mangkin Raden Citra Guna, kuciwa ngemasin mati, wang Mekahe pati loso, malaib ia pada paling, raja Mekah ne mangkin, sampun ida manglalu, tosing kayun makaad, mangadeg luhur padati, sing mangrebut, kasepeg antuk kalewang.
353. Len sampi wadake, nene mangedeng padati, manumplak tawut manyenggot, liyu musuh mangemasin, pacta takut nesekin, sing dumplake pada suwud, malih raja di Mekah, becat makecos ka samping, raris nawut, malih enggal malipetan.
354. Wang Jagatra Pamamoran, sing mangrebut mangemasin, sing nehek ida makecos, tosing bisa mamelihin, sing kena teka mati, yadin diarep di pungkur, yadin tumbak tong kena, becat nginderang padati, dadi buwud, wang Pamamoran Jagatra.
120
