46a. 355. Dane Gusti Alit Soma, I Gusti Ketut Calagi, Alit Cacab, Wayan Gedot, miwah Gusti Alit Pasir, pada teka ngembulin , raja Mekah tuara kengguh, ada numplakin wadak, ada numbakin sarati, teka suwud ratane jani majalan.
356. Kawanten raja di Mekah, mabinder luhur padati, buwin ngenggalang makecos, manyepeg I Gusti Pasir, malih matulak gelis, tuara ngelah pacang takut, masih mabudi nincap, ratane ia kapedangin, pacabugbug, tuara ada ngawalesang.
357. Dane Gusti Alit Soma, Alit Cacab mangemasin, layone sampun magosong, wang Pamamorane jerih, wang Jagatra ne mangkin, sareng silih kadi tulud, karep I Singam barong, I Singa Krura tan kari, Singandapur, miwah I Dewa Saloka.
358. Tan sah sami marantaban, Gusti Agung manyarengin, suryake malih makoos, bedile ngareped malih, raja Mekah tan gingsir, manyepeg I Singamdapur, miwah I Singambarong, malih ia malangketik, Gusti Agung, mangkin ukwa kabadagal.
46b . 359. Gusti Agung Pamamoran, manangkis baan paresi, raja Mekah Tuhun ngacok, dadi mangenen paresi, mametel petang nyari , kadutane dadi elung, dening ia kapilegan, raja Mekah nene mangkin, bawu elung, kadutane dadi ninjak.
360. Gusti Agung bah manyelempang, sampun dane mangkin kategakin, dening anak mula gamol, sok inget kari manangkis, kasepeg kubat-abit, lengare remuk matatu , kena lungan kadutan, wang Pamamoran nyagjagin, pada ulung, ukwa numbak raja Mekah.
361. Raja Mekah mangenggalang, menek kaduwur padati , mategtegan ida owon, I Gusti Agung matangi netrane sada endih, ragane ebek matatu, raris dane ndesekang, ukuh menekin pedati, tuara ngitung, tatune ebek ngalangkat.
362. I Gusti Wayahan Ambuak, mangenggalang mamucukin , miwah Gusti Wayan Gedot, pada menekin pedati, I Gusti Ketut Kenjing, Gusti Gede Padang Gambuh, Gusti Wayahan Ambuak,
121
