393. Pada tuara ada gawennya, suwud maselselan jani, keh baan paowon-owon, munyi tuara mapakolih, idep bapane jani, mategtegan nyai malu, mani pacang mantuk, ne mani Kapamamoran.
394. Duwene dini makejang, pesuang nyai ne jani, aturang nyai aketo, ring ida sang raja putri, aturin eda bas sedih, apang liyangang dikayun, dening sang raja Mekah, suba paragayan Widi, ida mamur, kasukane dikadituan.
51 a. 395. Tuara magantung ban tresna, tekaningjagate dini, apan kereng kagagawok , nguda tuara manggih luwih, ida sang para putri, kekalih liwating sungsut, ring ida raja Mekah, tuara manyayangang dini, Gusti Agung, dane pacang manyayangang.
396. Sang Putri liwat kosekan, tong dadi medalang tangis, angsengane dadi atos, dadi ia mawetu paling, tuara mangaksi gumi, manglawut bah macebug, sang putri maka dadua, wang jrone muwug mangeling, pada nulung, linga mirib ampuhan.
397. Sam pun sami katulungan, sang putri mangkin manglilir, yeh panon pesu macoog, pasera weya maring pipi, dadi mawuwuh becik, cacingak sumangkin balut, rambute magambahan, masawang bun sanggalangit, raga lempung, gangganing gatra gumiwang.
398. Sang putri nene duwuran, wamane ngleganing ati, wadana eleh molomoh, kadi sasih nunggang giri, semengan papas ai, rupane masawang layu, dahat manudut cita, jalane tejanin rawi, mirib rengu, paliate bas kebukan.
51b. 399. Ada to guleme barak, manyaputin matan ai, maduluran gereh alon, mairib baraking lati, saha duluran eling, tur ada anak matulung, buwin ngeladang manah, sing ngiwasin sami sedih, hati elus, manah nyane maningehang.
400. Tong pantes ketekan lara, dadi ngatepukin sakit, lantang yan ucapang reko, dane Gusti Ketut Kenjing, Raden Botoh Manail, Raden Ende Batu Karu, malih dane kajaba, nambunang jarahan sami, pada rawuh, wang Mekahe mangaturang.
126
