panggihin titiang, tan wenten angan asiki, boya lamur, ban-
tenge ne bawu lekad.
12. Punika anak padanda, doning cingake nganehin, manawi te
meka kawon, anggen anake nagingin, cedang wantah asiki,
bas mangawe salah angkuh, pamulune kahkah dungkah, si-
kapa makulit-kulit, anggen ipun, nagingin layon punika.
3a.
13. Padanda raris kabangan, mireng ature Pan Bungkling, okane
anggon gaguyon, makiret raris manuding, panyingakane nelik,
mairib tuah singa napur, Ida raris mangerak, ne te iba jalma
cicing, bas kadurus, ban iba mesuang peta.
14. Tuara angan majangka-jangka, kaliwat nyakitin kuping, tui
tuah jalma baseng, mati iba gepluk kai, taanang jani dini, pa-
danda manyemak lu, Pan Bungkling mangadaap, liyu anake
nyajagin, pada muwug, ada ngisiang padanda.
15. Padanda mangibegang, bas krodane tidong gigis, lima batise
mangetor, belige kadi be julit, tong bakat baannya ngisi,
takut kagetok baan lu, ada matur alon, nunasang Pan Bung-
kling urip, jadma buduh, tan wenten nyandang resepang.
16. Ipun mangkin paid titiang, pang ipun mati mapaid, liyu anake
mangoros, Padanda malih malinggih, tan kocapan ne jani,
Pan Bungkling malih kawuwus, luas masangang daya, kumah
De Senggu Tangi, teked ditu, Pan Bungkling mapi buta.
3b.
17. Kawuk-kawuk uli diwangan, managih bungkahin kori, tidong
tulung titiang jro, dandan titiang gelis-gelis, De Senggu ma-
nyajagin, nyen te cai kawuk-kawuk, Pan Bungkling matur alon,
engken jro Senggu Tangi, jro Senggu, raris nesekang manye-
mak.
18. Pan Bungkling lawut kadandan, mai ke manglawut cai, Pan
Bungkling mangucap alon, engken ja De Senggu Tangi, ne
mirib betek batis, tidong ja jro Senggu, sing nya uluk-uluka,
engken umah nyane dini, jro Senggu, lawut ngusudang adegan.
77
