16b.
119. Ne cai pada tindihang, uli ja musuhe jani, eda ja mapilih to-
ngos, mangayah tekening Gusti, yen benya mangemasin, tan
urung suarga katepuk, yen benya mati jumah, tuara len kawah
kapanggih, jani tawur, pican idane Cokorda.
120. Bek betenan bancingah, sikepe masawang pasih, bek kaja bek
kelod, bek kawuh bek kangin, prebekelnyane sami, mirib be
jagul mangigul, len mirib lomba-lomba, ada negakin pedati,
mirib alun di jalan pasihe pasang.
121; Ada manegakin jaran, ada masikep paresi, len ada mapajeng
kuning, ada mapajeng putih, len ada mapajeng pagut, pada
matunggul barak, cihnaning pada prajurit, tan kawuwus, sang
prabu kajro pura.
122. Kocap buin mani semengan, sang prabu imanglaris, tan mari
ngrangsuk kaprabon, madestar taluki kuning, mabapang sutra
wilis, makulambi sutra dadu, makamben sutra barak, ma-
kampuh permas putih, tuhu bagus, mirib Danawa raja.
123. Sarawuhe di bancingah, punggawa atap manangkil, cokorde
alon ngandika, jalanang panjake jani, nah iba citra Rukmi,
bareng ajak Imastrangkul, to iba manadabang, pajalan panjake
jani, teked, apanga da magliyuran.
17a.
124. Masa belog maningkahang, iba kumandelang kai, pabesen kaine
amonto, pan iba pada prajurit, uling ne nguni-nguni, baan
manandingin kewuh, mandus baan kadutan, mula murub baan
mimis, mula kasub, dini di nagara Mekah.
125. Inggih masa tambet titiang, kewanten ratu cingakin, baktin
titiange manyokor, mametel rawuh ke ati, mangkin titiang ma-
pamit, ngaterang kulan i ratu, sang prabu mangandika, nah
kema majalan jani, keto ditu, iba da kuang prayatna.
126. Panjake sampun madabdab, majalan saling langkungin, munyin
suryake ngarodok, tan pegat mawanti-wanti, buka nguwungang
gumi, mairib gelap mapalu, sang prabu sampun medal, raris
manunggang pedati, gede landung, tan bina Danawa raja.
91
