Kaca puniki kavalidasi
mauleng-uleng alus,
alise nanggal apisan,
jati tuah mangedanin.
5. Pererai maulan purnama,
tatingale balut awor,
lan tatit,
gulune menggokan gedung,
palane merayu emas,
tangan lemet,
jariji mamusuh bakung,
nan angucup tara warsa,
putih gading pakurining.
6. Madiane meros ngalunggang,
pamulune alus nyandat gading,
susune montok tur gemuk,
kasor nyuh gadinge kembar,
pupu kengis,
kadi cindaga menedeng rum,
betek batise mamudak,
ngasorang i tiing gading.
7. Respati darma ring karis,
wicaksana pratameng kawagmin,
sageginan anak eluh,
ngendek nyantri mangancan.
manyulendro,
mangeragrag bikasing tunun,
nyanggingin muah manyulam,
buka tuara ada nandingin.
(GS:7--9)
