Kaca puniki kavalidasi
148
- Tuara sengeh, katekaning baan wisti, sok asukan-sukan, sampun apuputra sami, lanang istri makapatpat.
- Di Koripan, maputra lanang kekalih, dadi Sanghyang Smara, warnane manudut ati, mapesengan Dwagung Putra.
- Mapepasih, I Nyjor mangenjorang gumi, duka bau embas, ne alitan mapepasih, Gejor mangejerang jagat.
- Nene istri, I Dwagung Made papasih, Muter ne alitan, Mirah apan pinih alit, buin liu Rajaputra.
- Raden Arya, madue putra kekalih, lanang ne inucao, I Kesieg reke pepasih, malih saking Pranegara.
- Kembang jenar, makamiwah Carang Sari, saking Pandan Salas, makadi ring Cemarapuri, punika marekan.
- Sayang pisan, antuk I Dewagung sami, tan sah mabarangan, nanging kari alit-alit, mirib anak kasmaran.