Kaca puniki kavalidasi
154
- tuah abesik, siksikang tuah ya onya, nyandang bingung bean mangruruh.
- Ruruhang di aji tuara manyidaang, yadin tawangang liu, liunan mangruruh, rauh ka alase sepi, sepine makerana, nangun idepe wlangun, ngugunin di manah, manawi wenten sisip, sapunika yan parnaang, yadin liu anak mangrumrum
- Mungpung ada ngenah rawa makembaran, marengin makalangun, laut ada enjung, njujuang buka manganti, ngantosang makejang, jajar batune mapunduh, duh ngolasang manah, manawi ipun sisip, sapunika kaucapang, pecak desanipun dumun.
- Malih manedunang ada nto mangenah, nanging ke mula saru, sarune bas muput, pantes tongose malali, laut mangandaang, yadin ada tongos cauh, wewehin di manah, nanawi wenten uning, nanging bas tong kadadian, yadian liu tongos manyaru.
- Saru-saruang Sumangkin mangentikang, kandanipune malu, malu duka wangun, Ngandaang tadahe becik, pecak wewangunan, Anak Agung nene ilu, lewih tuara pada, patadahnyane becik, becik antuke matadah, dadi liu anake linyun.
- Nyaan ada mangiyo nagih Sapsapang, pang tuara anak tau, unduke bas saud, saru baan pada pangid, ngawe kakedekan, kedeke matungtung guyu, yadin ko sauhan, anak tuara ada uning, ne makrana manyaudang, dadi saru baan ngalaut.
- Laut nyaru ban aripe ngonyang kelat, laad sabehe bau usan mara teduh, duh emeng san buka Jani, jani bakal kudiang, kandan lacure manutug, tong dadi kelidang, nandangin Jengahe jani, jani mula painganan, nandang jengah satunggun idup.
- Duh punapi awanane manglabuang, baan kayune linglung, ngalangenin ditu, ditu tongos ngalih tabing, tabingnyane tinggar, ngawenang anake linyun, nyaan mara medal ka Pancoran nyangid, nyangidang awake jengah,
