Kaca puniki kavalidasi
187
- Nyelsel awak ngantenang jajane telas, manteg tangkah mangeling, jejehe kalintang, i dagang Cina gewar, munyi cara Mlayu gelis, "Ya lekas orang, kuli mari disini".
- Ini bawa saya kasih upah banyak, pikul lekas belari, jangan pelan-pelan, di toko barang, itu ini ambe ke mari," encong mapeta, makewan munyi ngucaci.
- Tengo itu orang banyak, lekas-lekas, saya susah sekali, di punya pikiran, ada saya mau kabar, sini ada orang Bali, dia biasa, sebut Gusti yang tadi".
- Tur mapoos sikepe makanda-kanda, sami saling takenin, ngantos dedauhan, makadi tatepengan, sakeng Punggawa Panglingsir, miwah kaliang, makadi Gusti Patih.
- Bau rauh saking kelod mangalerang, pecak mamreksa margi, punika awanan, I Gusti kadi kagiat, mangaksi sikepe titib, rangkung iyuan, wenten maatur gelis.
