Kaca puniki kavalidasi
1.61 GEGURITAN RUSAK PAGESANGAN
Puh Durma
- Di Mataram jani nyalanang utusan, nyilib ka desa Bali, suba katrima, I Gusti Bagus Karang, rena sumanggup ngantinin, mangkin garjita, sang mutering Matawis.
- Lut tan mari nincapang oles-olesan, salurah Dangin Juring, liu suba kena, bean wisianing naya, Batukliyang Kopang malih, Raden Bandesa, briuk pada nyanggupin.
- Sami ravem rauhing I Cakra len Praya, Raden Nawiyat makadi, Raden Wiratmajan, wangsaja Banjar Getas, mula kaucap prajurit, sampun prayatna. kewanten ngantos wangsit.
- Emasbage Dasan Lekong Kutaraja, Sikur lan Sarwadadi, suba papatuhan, sumanggup pacang congah, sa dangin tukad Balingbing, twara da piwal, ature mangadianin.
- To makrana pramantri uli Mataram, teka ka Dangin Juring, mula kapracaya, malih nandangin baya, pragusti tusning bebecik, saha iringan, di Tanjung mapagisi.
- Gede Pogo punika reke pasergan, pinituning Mantri, miwah salod Babak, wengkan Presak Kuripan, Aki Galiran nyarengin, Si Aki Sela, suka bareng mabalik.
- Buka tuduh twara ada manyengehang, katungkulan mancengil, tungkas ring sahaya, sagetan kawaspada, prabawan Agung maciri, cirining punah, sang kasungsungin gumi.
- Manemonin tanggal ping lima bu endang, bulane manadarin, pesu kukus ngenah, malejeg sakelapa, di langite kanten putih, gagak maswara, rame sabilang wengi.
- Gunung Pengsinge guntur kocap katiban, caraking taun malih, wintang kalemahan, satunggil-tunggil dina, soroh sajanmane alit, makanca-kanca, kadi nangkepang kali.
- Suryak-suryak buka nyurakang ngendehang, sang ing Amlanegeri, lungsur kaagungan, liu yen ceritayang, cirine
188
