Kaca puniki kavalidasi
PAOS II
PEPARIKAN
2.1 TANTRI PARIKAN
Puh Durma
- Wenten prabu kaloka panyiwian jagat, demeneng di Patali, praratune katah, Sawewengkon negara, Jambudwipa sama iring, katekan subak, katereh maserah upeti.
- Kotaman Sang prabu tuara bakat ucap, anut maparab Hari Wisna anyekala, setata mangede ulap, idep musuhe mapalin, malih Sridara, antukane mangesengin.
- Dening Mapaluan mas muah sesocan, ring baudanda sami, bane Pancamana, mrataang kapancasian, singa panenggahe malih, kadi kagungan, Prabu Darmane riin,
- Yugan jagat buin mabalik kerta, pararesine Sami, mamari wisaya, pageh ngamelang yoga, tan lyan soroh tatwa aji, kaparembugang, Sang prabu minakadi,
- Sangkan patut tengerane Eswaryadala, dala kapitegesin, edon bunga sarang eswarya kasugihan, rajabrana miwah rabi, tong kena sambat, liu ngebekin puri.
- Kadang warga kula mantri punggawa, makadinnya pepatih, Nitibandeswarya, tan usan ngunitaang, wasanan jagate trepi, kabuatan pada,ngeh nawang sipteng aji.
- Ke kinucap mungguing Kutaramanawa, muah sastra sarodreti, sangkan tuara ada, ngewehang panca baya, pangadeg sang prabu, lami, yen kudang tiban, suka pageh mandiri.
- Sedek linah sang prabu merem-mereman, sajeroning taman sari, wenten bale ngungang, tegehe kabinawa, kadi rasa nyujuh langit mabebaceman, mapangked-pangked becik.
- Keh pancoran sumanding toya pawitra, makanda-kanda pasti, langa mupacira, punya bunga maendah, sang prabu
193