Kaca puniki kavalidasi
2.2 SRI TANJUNG PARIKAN
Puh Ginada
- Ana ratu ring Tanjungpura, wibuh loka lintang lewih, kabinawa ring wedana, punggawane sami nyumbung, sida ida nyakra jagat, lintang gidi, sapakayun kauluran.
- Ne mangkin wenten pakayunan, wong istri kalintang lewih, Istri Tanjung parab ida, gaok sang prabu mandulu, yan tan sida kayun ida, nganggen suami, sukayan ida palatra.
- Raris ida ke bancingah, pinarek den para mantri, miwah kang pada punggawa, pepek sami pada paum, kenken ya ana miseka, saking silib, mangdennya tan kacirian.
- I Sidapaksa rusakang twarada anak matindih, kenken baan manayaang, apang ia enggal lampus, "Punggawane matur sembah, “Inggih Gusti, Sakayun Cokor I Dewa".
- Sang Prabu alon ngandika, "Teken punggawane sami," Utus ia maring suarga, nunas emas tigang gelung, nunas ring Betara Indra, sayan lami, tan urung pejah di jalan.
- Keto ban ngawe pawekan, apang ia enggal mati," parekan matur anembah, “Patut raos Ratu pukulun, yaning dane sampun liwar, mangden gelis, I Ratu mangambil pria.
- I Istri Tanjung punika, sapasira pacang nindihin, sakayun Cokor I Dewa, twara dane pacang purun, tulak ring ka I Dewa, dados rabi, nyeneng putri maring pura".
- Sampun puput babaosan, pangraose daat pingit, tan wenang wedar ring jalan, pada mamingit ring kayun, raris ida madabdaban, mangesengin, I Sidapaksa punika.
- Kocapan I Sidapaksa, tatas lemah wus matangi, bengong kangen ring pangipian, ne istri raris maungu, saus dane nampel sedah,"Niki Beli," I Sidapaksa nerima.
196
