Kaca puniki kavalidasi
203
- mamunyi, ento makabinanya, buin idepe bingung, buatang apang samplah, batitisang, yen suba sida mangilis to madan Semadi Yoga.
- To mawanan ida sang luih pageh nemu kamoksan, nanging asta swarya, maluan tepuk di gumine, nyidayang sapakayun, saget ditu saget dini, di gumine nguisesa, satsat Sang Hyang Guru keto saluihing adnyana, ngawisesa, nanging mangawe paling, indriane nu nitah.
- Yen nyidayang pageh kuat tur beneng ban makeneh. ento Trikaya. tusing buat panitahne makaciri di kayun, sida saluiring ne kardi. buin pangabot Triguna sinah sida ngrangkus. suba ya mawak manunggal, sinah sida, ngrasayang ne luih pingit, ngincep kautamaning tatwa.
- Keto tingkah antuk ida sang buat ngincepang, luih Siwa Sri Danta, bina teken luih Budane, antuk ida sang sampun, kaungguan luih budi, di gumine mautama, kaincep ring kayun Ida Hyang Adwaya Yoga suksma, anggen larapan pamargi antuk Ida Sang Pandita.
- Kene antuk ida sang pandita mangelarang, patemu ne dadua, Ang, Ah, keto munyin sastrane, mungguh di jeroning tana, wekasing utama pingit, pragayan surya, bulan larapane tepuk nirmalan idepe limbak, tuara obah, petemuan ida sang kalih, awanane labda.
- Uli ditu wijil Hyang Prama Buda, ne luih utama, tan para luwih cayane, tuwah Ida maraga Tuduh, Ida ne wekasing pingit, tong bakat ban ngenehang, ucapang tong katepuk, Ida maraga suksma, luih pisan, yan tan maraga yogi, sida ngawijilang Ida.
- Ida ledang tan kaungguhan kayun sumendea ida maraga limbak, mangebekin di jagate, Ida alit kawuwus, tong sida bahan ngenehin, ento awanan Ida, kapinah di kayun, maka putra mautama, antuk ida Hyang Adwaya Aji, maka biyang Sang Hyang Adwaya.
- Keto antuk Ida Sang Pandita mangincepang manyujur peragat, pakayun buat kadarmane :sai munggah di kayun, punika kakardinin keto maka larapan, Ida Sang Mraga
