Nyoman Sayang : "Maan gelar?"
Gede Gabor: "Ooo . . . . gelar gelur (kedek mabriag.)"
Nyoman Sayang : "Titel Beline S.H. Suka Hutang (kedek.)"
Gede Gabor: "I Nanang kija?"
Nyoman Sayang : "Kija kaden lakuna. Anak kakalahin sedeng ngomel."
Gede Gabor: "Da ento kenehanga, anak suba ngangsan tua, anggep ngelah pianak cerik dogen. Di panakne ane len -lenan sing nau pesan I Nanang. Krana makejang sing ngerti. Apa buin ane repotanga..... sing lenan..... unduk cerik-cerike."
Nyoman Sayang : "Tusing unduk keto.
Gede Gabor: "Men unduk apa."
Nyoman Sayang: (Mendep.....nguntul.)
Gede Gabor: (Bangun.....tur maakin kurenanne.) Kenapa Man..... adi mregani jati coong. Ada apa I Nanang..... Kenapa Man?"
Nyoman Sayang: (Seret munyinne.) "Beli orahanga bareng korupsi."
Gede Gabor: (Tengkejut) Bareng korupsi?..... Korupsi ngenken?"
Nyoman Sayang : "Wireh Beli maang pipise ane seribu ento." Gede Gabor: "Ane baanga teken kepala kantor beline, ulih beli kenjel."
Nyoman Sayang: "Ento suba makrana I Nanang sebet." Gede Gabor: "Adi tawanga beli maang pipis seribu kenken unduke?"
Nyoman Sayang : (Nyangetang enduk munyinne.) "Pipise ilang di Peken!"
Gede Gabor: "Makejang?"155
