bapa pesu ngadeang 'bungkung . . . . anake cerik." ( Nyoman Sayang pesu madengokan sambilanga nyangkol panak. Di subane ninggalin mantunne sing ada, buin macelep mulihan.)
IRINGAN SUARA SULING.
Sapakalah Nang Gabor, Nyoman Sayang ngendingang pianakne, gending nungkulang sumangdene pianakne tan ngeling. Buin akesepne teka I Gede Gabor, ngaba gulungan kertas. Mabaju poleng-poleng mlima bawak, clana panjang tetrek. Masepatu selem tua bin uek. Di jalane ento I Gede Gabor, matadah girang. Caya muanne galang .... sing cara ibi puanne . . . . puek. Nyemak caratan tur nyeret yeh. Gulungan kertase kapejang duur mejane. Suba keto matolihan ka samping . . . . laut negak di kursine. Sepatune kelus saka besik. Sedeng gatinne I Gabor nguntul-untul ngembus sepatu. mesu I Nyoman Sayang.
Nyoman Sayang : "Suba keluar?"
Gede Gabor : (Manggutan.)
Nyoman Sayang : "Adi selidan?"
Gede Gabor : "Mara suud ningehang cramah di gedung DPR."
Nyoman Sayang : "Unduk pegawe negerine sing dadi mapartai?"
Gede Gabor : (Kenyem) unduk K.B.
Nyoman Sayang : "K.B.? Kuangan blanjan. (kenyem jail.)
Gede Gabor : "Keluarga Berencana"
Nyoman Sayang : "Kaden kuangan blanjan pegawe negerine."
Gede Gabor : "Lad timpal masekolah pesan, ane maang cramah. Pak Dr. Astawa."
Nyoman Sayang : "Lad timpal masekolah Beline dadi Dokter."
Gede Gabor : "Liu pesan suba ane maan gelar. I dewek masi maan gelar."154
