Nyoman Sayang : "Karma pala cicih kenken, Nang?"
Nang Gabor : "Suba mabukti .....sing mrasa nyai.....ento pipise ane baanga ibi sanja teken kurnane amah copet. Ento sing karma pala adanne Nyoman. Aget pesan masi i tukang copet tresna nimbalin karma .. .. yan sing keto ...bareng bapa naar hasil ane tan patut. Aget..... aget..." (kedek).
Nyoman Sayang : (Ngeling) "Nanang bes kaliwat pesan. Teken pianak bes mipit..... (bangun tur macelep mulihan.)
Nang Gabor : "Dini suba kakuangan mantune..... yan suba maan pipis, nyak uiihan kenken ja pipise ento . . . . jog pragat lega. Ne wimba . . . ibu-ibu rumah tanggan wangsa Indonesiane.Bangkrut . . . . bangkrut negarane. Patutne musti matakon teken kurenan .... dija maan pipis .... seed apang melah sumangdene i kurenan sing bareng nyleweng. Mara ibu rumah tangga komplit adanne."
Nyoman Sayang : "Men yan kali jani tonden mlebengan .....apa adanne Nanang?"
Nang Gabor: "Bapa lasan ngadeang bungkunge ne, cincin kawine. Padaang teken bareng naar sekaya ulihan aji korupsi. Apang nyai nawang. Bungkunge ne, buah atin bapane. Pangantin inemene ane suba maluan ngalahin ........(ngeling ... .) Bintang.....Bintang.....yasaang pianake uli kadituan, da bes ngidem gati nyai .... Ban suba luung tongos nyaine ditu .... sing sajaan matolihan .... keto ........(inget teken dewek Di subanne Nyoman Sayang macelep mulihan.) Mara inget.....di agamane mungguh...... sing dadi pesan mangelingin anak mati.....krana ya mulih ka desa wayah ...... ngiring patuduh Ida. Adenan ngadeang bungkung malu. (Keras makaukan) Nyoman......Nyoman......153
