otak nyaine. Maisi acepan bapane buin pidan teken damuhe ane cerik ne, sumangdene yan suba ia dadi jlema apang dadi jendral."
Nyoman Sayang : "Icang sing demen panake dadi jendral."
Nang Gabor : "Dadi keto ?"
Nyoman Sayang : "Takut nepukin paundukan cara jendrel A. Yani, kabisen olih penghianat - penghianat negarane. Sing adenan dadi direktur Bank atawi....nah.....kanggoang bantas dadi bendaharawan proyek maan premi ane kapatutang."
Nang Gabor : "Bapa pageh ngaba dot sumangdene bin pidan ia dadi jendral. Krana jendrale ento pangkat sang prajurit ane paling tegeha. Pangayom..... jagat. . . . pangayom rakyat... ambat melah pangkate ento. Nah.....yan pada nepukin paundukan buka Pak jendral Yani, ane kasedaang olih i p.ki. ngae weci ento.... nanging tetep sang jendral kasengguh satria wangsa. Dadi direktur Bank......dadi kepala proyek......beh....liu anake sumangsaya....liu musuhe nyilib. di tongose ne...tongos ganjih.....dipelihe matindak.....mentik nyete ane tusing beneh, krana tongose mula besegan......gangsaran dogen tumbuh entik entikan kenehe ane tusing beneh. Takut bapa....ulihan ban pelih matindakan i damuh. Gelah sang rakyat dadi gelah aku. Nraka bapa mani puan....kagele-gele atman bapane di kadituan. Da ane jani dogen kenehanga. Jani saja........para koroptore tonden ada ane maukum mati. Nah......sing tawang buin pidan disuban anake cerik kelih....negaran i deweke suba nawang panes....naa.....ditu ja.....mara tawanga asanne.....jani pang suba malu majalan aman."151
