ang koja...koja...ngomongang rakyat.Takut bapa. Raos rakyate ento pingitang abedik. Da bes lumbara...campah dadinne. Apa buin kadong kaloktah pemimpin-pemimpin di jagate nganggon sang rakyat tebeng, ngengkebang kacorahanne. Koja Nyoman...kojaang. Adenan endepang deweke...wireh pelih padidi, tuara waspada teken dewek."
Nyoman Sayang : "Men kenkenang jani Nang. Apa ke yan mendep sing patuh artinne i dewek bareng sakongkel, patuh daya ngajak i tukang copet. Apa te salahne...yan i dewek bantas mrepot. Ngrepotang unduk. Dija tongos hak-hak warga negarane yan keto."
Nang Gabor: (Kedek ngikik.) "Dueg nyai Nyoman...wanita teladan...wanita ane tau teken sesanan warga negarane. Kendel bapa...kendel...ngelah mantu enceh otakne... kendel salah kaden bapa. kaden nyai bantas bisa ngae miwah nglekadang pianak dogen...Nanging ane patut ingetang nyai...
Nyoman Sayang : "Apa ane patut ingetang nanang?"
Nang Gabor : "Kene Nyoman...masan jani tonden pantes..tonden cocok i dewek ngraosang darma kapatutan. Apa buin darman kapatutan i manusa. Paling melah ngitungang ajin baas ... ngitungang sumangdene nyidaang sakabedik mayah utang... Ento jani ane paling melah."
Nyoman Sayang : "Beh ... I Nanang cara tusing tau paundukan idupe cara jani. Mautang tui sing nyidaang mayah, suba kaloktah ento jani. Sing perlu ngonang ... Pamerintah gelahe masi mautang. Apa te salahne yan i dewek dadi rakyat ... dadi pegawe cenik ngalih utang. Nyen Kasalahang ... dija tongos salahe anak cara bun tan pawit."
Nang Gabor : "Nyai mula totonan putri sajati enceh150
