Kaca:Kembang Rampe Kasusastran Bali Anyar Wiwidangan 2 (1978).pdf/18

Nang Gabor  :"Adi suba tua bisa ngecagang pipis." Nyoman Sayang :"Kecag jemak timpal." Nang Gabor  :"Kacopet?" Nyoman Sayang :(Manggutan) Nang Gabor  :"Amun keto unduke sing timpal nyemak. Buron maawak manusa adanne." Nyoman Sayang :"Mara sedek meli tahu miwah tempe ..... mrasa ada anak nongsok. Wireh pekene bek....sing ja rungu.Bih ....belog pesan dadi jlema. . . . yan dugas dongsoka ento ma- tolihan sing tepuk anake nyemak pipise. belog....belog (ngeling sinambi nyagur- nyagur sirah.)" Nang Gabor: :"Nyoman...dong da...cara anak ka- surupan keto. Entegang bayune. Yan sing saru buka keto...sing tukang copet adanina. Tawang artin omong tukange. Tukang banten...anake dueg ngae sarwa banten. Tukang jagur...... anake ane dueg ngaba jaguran. Tukang gambar.... dueg ngambar. Tukang kayu.... dueg ngarap kayu. Tukang sogok....dueg...bih... i maluan iab bapa- ne sing ada raos sogok... raos baru... keweh masanin... Beh... yan suba nganti ka peken tukang copete panes gumine..." Nyoman Sayang : "Ajak anake cerik malu Nang, lakar repotang ka Kantor Polisi." Nang Gabor : "Da... Nyoman . . . paundukane ngimud- in pesan. Buina...Bapak-bapak Polisine nu liu pesan gegaenne ane patut pragatanga. Nyoman Sayang : "Unduke ne, sing tugas Bapak-bapak Polisine keto Nang. I dewek dadi rakyat patut maan pangayoman" Nang Gabor: "Saja. . . . saja. Nanging Nyoman sing ajin-