Kesusastran Bali Purwa
anaké ngomong kéné, “yéh Diarsa siap jerih abana ka tajén”. Nanging I Bagus Diarsa tusing ngrunguang pangupet anaké kéto, nu masih ia nandingang siapné. Unduké ento, cingakiné tekén ida sang Prabu, lantas Ida ngandika, “ih cai Diarsa, mai tandingang siap cainé!” I Bagus Diarsa maekin ida sang Prabu, tur katandingin siapné tekén ayam sang Prabu. Siap I Bagus Diarsa jerih, nanging masih kaklesitin (kakelegin) apang nyak galak, krana ia jejeh kadukén. Makelo-kelo, nyak siapné galak, lantas payu. I Bagus Diarsa lantas ka sisi najinin siapné. Duéné masih ada juru kembar najinin. Suba pragat mataji, lantas siapé katengahang.
Ida sang Prabu ngandika, “ih Diarsa, kuda siap cainé metoh?”
I Bagus Diarsa lantas mesuang bunga ané kaicén baan ida Betara. Bungané ento nget makejang dadi mas, slaka, inten, berlian muah sasocan ané melah-melah.
I Bagus Diarsa lantas matur, “amuniki, ayam titiangé metoh.”
Ida sang Prabu ngandika sinambi ica, “ah, ah, ah, ah, nah payu. Makejang anaké ngamusuhin I Bagus Diarsa.
Kacerita, siapé suba pada kalébang, nangingké siapé tusing maan mapalu krana siap I Bagus Diarsa malaib kaduur guunganné, lantas makruyuk. Siapé buin ka sambut. Malih siapé kalébang, siap I Bagus Diarsa kéto dogén sai-sai, kanti siapé kalébang di bawak. Mara siapé kalébang di bawak, lantas siap I Bagus Diarsa makeber tur ngebug ida sang Prabu nganti séda. Siapé lantas mlaib. Anaké di tajéné pada makolongan, ada ané melaib nepak kulkul lakar ngrejek I Bagus Diarsa, krana karaos ia ngaba daya jelék. I Bagus Diarsa melaib ka umahné, lantas ia mabersih nganggo sarwa putih, krana suba nyet sing tara lakar karejek.
Kacerita sikepé suba ngiter umahné I Bagus Diarsa, ceritaang nget teka siapé matinggahg dinebé, lantas ngomong, “ih cai Diarsa, da cai jejeh kai nulungin cai jani”. Siapné lantas
91
