Kembang Rampé
masiluman dadi garuda tur nungkul tekén I Bagus Diarsa. Jani I Bagus Diarsa nyeneng Ratu ngentosin ida sang Raja Déwata. Sabilang semengan ida katangkilin baan panjaké. Makejang panjaké tresna asih tekén sang Prabu anyar.
Tan kacerita sang Prabu anyar. Kaceritaang ida Betara Siwa di suargan katangkilin baan watek resi makejang. Ida Betara Siwa ngandika tekén I Wiracita, “ih cai Wiracita, kema cai mulih, krana bapan cainé suba aget!” Anaké cerik ento lantas mapamit sarwi nyumbah.
Tan kacerita di jalan, jeg anaké cerik ento negak di tengah panangkilan ida sang Prabur anyar. Makejang kaulané ngon, ningalin sarauh okan sang Prabu anyar buka kéto. Ngawit ento maweweh-weweh tresnan panjaké tekén sang Prabu anyar.
17. Galuh Payuk
Kacerita Anaké Agung di Deha muah pramiswarin ida daat kasungsutan kayun, sawiréh ida tusing madue putra. Peteng lemah parimiswarin ida matetaagisan dogén. Sayan makelo mawuwuh kasungsutan idané. Duaning kéto ida Anaké Agung nauhin baudandan idané makejang. Sasubané pepek pada nangkil, lantas ida Anaké Agung ngandika, “nah ané jani, paman-paman pada makejang, sawiréh suba makelo nira mrabian masih tondén nira ngelah panak. Déning kéto, né jani nira ajak pramiswarin nirané lakar luas kalasé nangun kérti, sing kagét apa ada paican Widi, mapaica nira panak. Sapekalah nirané, paman patih serahin nira ngisi guminé makejang dini, tur paman apang pageh nitahang guminé, kénkén nira apang kéto abet pamanné!”
Sawiréh kedeh pesan kayun idané pacang lunga, dadi tusing bani pepatih-pepatih idané ngandegang. Buina mula baudandan ida makejang rep sirep takutné tekén sang Prabu.
Kacerita jani ida sampun mamargi, kairing baan
92
