Kembang Rampé
sang makérti, masih tuara mintulin, buina suba sanja, lantas mlipetan ka suargan. Katuturang tekén ida Betara buatné ia tuara mresidaang ngoda. Ditu buin sang lelipi Lemputu kanikaang tuun ngoda. Nanging masih patuh buka unduk sang Kalimanduné tuara melutang apa. Dadi ida Betara
nglunganin. Ida nyuti rupa dadi pranda putus. Serauh idané ditu lantas ida mlinggih di puncak binginé sarwi nguncarang wéda. Buin akajepané lanas hujan bunga muah sarwa miik-miik. Duaning kéto, lantas ida Anaké Agung nglesuang kérti, sarwi ida muspa tur matur ring ida Betara, “inggih Ratu Betara, titiang ngaturang sembah ring palinggihan Betara, kénak cokor I Déwa ngiyangin titiang, déning wénten sané lungsur titiang ring palinggihan Betara!”
Ngandika Betarané, “maan apa buin kuangan, suba amonto kasukan sang Prabuné, jani apa buin katagih?”
Matur sang Prabu, “wiakti katah pisan sampun suécan cokor I Déwa ring titiang, sakéwanten sané asiki, manik majalan cokor I Déwa durung ngicén titiang. Inggih yan wantah asung palungguh Betara, lédang punika lungsur titiang”.
“Bah saja ento nu engsapin nira micaang. Nah jani nira asung, kéwala sang Prabu apang pageh yadin rabiné pada. Nyanan, apa ja tepuk di jalan, da pesan papak sambata. Né lekesan daar pada mabesik, kéwala da kacuhanga peesné, led ebeté ento makejang!” Suud Ida Betara ngandika kéto, lantas ida musna.
Kacerita sasubané ida sang Prabu suud nunas
waranugrahan Ida Betara, lantas ida mamargi ngantukang sareng rabin ida, tan mari lédang kayun sang kalih. Kasuén-suén ida mamargi, lantas manggihin setra. Di semané ento cingakina ada payuk cenik tur kedas, kaget macemplung Anaké Agung Istri, ngandika sarwi matujuhang payuké
ento.
“Hé, cenik mungil buin kedas” mara kéto pangandikan
94
