Kesusastran Bali Purwa
rabiné, tengkejut ida tur ngandika, “yéh adi tusing ja kasadiané dadi alih. Engsap adi tekén pangandikan ida Betara. Ah gantin déwéké lacur”. Suud kéto nglantas ida mamargi, kairing antuk rabiné, kayuné tan mari engsek.
Gelisang satua, rauh suba di tepi siring negaran idané, lantas kapendak baan panjak idané makejang. Sarwi ngaba gong, cendekan, Baris Gedé pada mendakin ida, kulkul madengdang, nyiriang sang Prabu suba rauh. Makejang pada girang kaulan ida, ada tusing mabaju mlaib ka rurungé, ada gambah-gambah, ada nyangkil pianak nu pusuh, ada néngténg semprong, wiréh sedek ngupinin api, ningeh uyut di rurungé, ané sépanan mlaib pesu, ada ngragas tembok kanti telah gempih temboké. Ah liu yan tuturang tingkah anaké mabalih.
Kacerita sang Prabu suba rauh di purian, sausan idané masiram kalih ngrayunang, lantas ida medal, katangkilin baan baudandané makejang. Pepatih idané lantas matur, “inggih Ratu sang Prabu sampun amunika suéan cokor I Déwa lunga nangun kérti, né mangkin sampun wénten waranugrahan Hyang?”
Ngandika sang Prabu, “béh, kéné paman, nira suba
kapaica, kéwala ka jeneng tusing dadi nira maan kasukan nulus. Teka dogén gagodan di jalan, dadi sadia tan sadiané nira luas nangun semadi”. Sampun puput ida ngortaang saunduk-unduk idané nangun kerti uli pangawit sampun tuduh Ida Sang Hyang Kawi asapunika. Papatih mawecana “inggih yan wantah dados, wuusan sampun nyungkanang punika. Yadiapin asapunika, yan sampun pagantosan sinah
kapanggih!”
Ngandikaida Anaké Agung, “ah, sing ja nira ngéwehang ento sanget. Saja tuah buka munyin pamanné, gantiné tusing dadi kelidin. Men, sapakalah nirané kénkén jenenga unduk guminé makejang?”
Matur I Patih, “matur sisip wantah rahajeng sawengkon
95
