Kesusastran Bali Purwa
cenik”, kéto pasaut Mén Tiwas, sambilanga nyemak payuké lantas penpena ka panarakné. Suba koné sanja lantas I Tiwas pada mulih. Satakedné ia jumah, kenehné payukné lakar tusing anggona wadah apan-apan baan sayangné. Sai-sai sabilang ia teka uli ngalih apa to, balihina payuké ento, jejeh ia ilang.
Kacerita Men I Tiwas ajaka bapanné, sai-sai maselselan baan lacurné kaliwat sambilanga ia mapunduh négak, ia ngrengkeng, “dong bes kaliwat pesan bena ngelah kalacuran, apa sih angkuhang, apang mangdané bisa matuutin timpal. Apang sida baan ngisinin basangé dogén ja, bes kéné sabilang
angkuhang tuara taén matuutin anak. Kremis suba ngangsan arang, jani gantin déwéke tuara ngamah”. Pangrumukné kéto dingeha tekén payuké, lantas ia mapinéh-pinéh, “beh pedalem gati I Tiwas, sai-sai maselselan baan kelacuranné. Ah, melahan buin mani seméngan lakar luas ka peken, saget ada apa anak olas, apang ada anggon nulungin Mémén Tiwas.” Sasubané kéto, buin mani seméngan mara galang
kangin. I Tiwas luh muani suba makalah uli kubuné, lakar luas nglaih pangupajiwa. Radén Galuh Payuk, masih tuun uli langgatanné, matutug I Tiwas, lakar luas ka peken. Salantang jalan payuké mamunyi kéné, “troktoktok dengkok dengkok”. Kandugi tuara ada anak nepukin muah ningeh munyiné nganétg ka peken. Sedeng beka pekéné, lantas I Payuk nyéngongot nongos di samping dagang basé. Buin akajepné lantas ada anak nyorjor kema lakar nguup baas. Mara tingaalina payuké ento, lantas matakon tekén dagangé,” jero dagang, nyén sih ngejang payuk ditu?” Luung san goban payuké né.
Masaut dagangé, “to yén nyén jenenga ngejang dadi
tiang tusing rungu”.
Ngomong buin anaké i busan, “ah, lamun tusing ada
ngaukin lakar duduk koné, ada ja anggon wadah baas.” Suba suud ia meli baas, lantas penpena ka tengah payuké, ngon ia
97
