Kembang Rampé
nyingakin payuké, wiréh amon apa ja penpenina baas, teka sedeng dogén. Lantas ngomong, “yéh, ih mbok, tingalin ja, tusing madaya tiang tekén payuké né, amun cenika, teka asador penpenina baas. Né tiang mangkingsan koné malu, lakar kalahin mablanja”. Mara lenga akijapan anaké mliat, sagetan ilang payuké, magedi uli ditu laut mulih. Di jalan tan mari ia mamunyi, “troktoktok dengkok-dengkok-dengkok”.
Kacerita payuké suba teked jumah I Tiwasé, lantas
baasé pejanga di baléné, wadahina lumpian, lantas ia buin menék ka langgatané. Mara teka Mén Tiwas, tengkejut ia ngajinang ada baas, laut ngomong, “Bapanné, dadi ada baas dini, nyén ngejang aah?”
Masaut Pan Tiwas, “tawisin, awaké né bareng teka
ajak ia. Jog jakan dogén té suba, buin basang seduk tondén ngamah, misi ja cetik dong mati ya, apang suud kasakitan!” Baasé lantas jakana tekén Mén Tiwas. Maniné semangan buin Radén Galuh Payuk luas ka peken, tur mulih ngaba magenep, lakar basa, lakar jukut, muah ané lén-lénan. Suba koné teked jumah lantas makrépotan malebang di paon, wiréh payuké jani suba dadi anak cerik luh tur jegég gati. Mén Tiwas ngelah siap aukud, lantas ento ejuka, abuta buluné akatih lantas lablaba anggoa jukut. Suud magarapan di paon, lantas
nyampat makakelud uli jumahan mentén nganteg ka natahé. Suba pragat kéto, lantas buin menék la langgatanné, buin dadi payuk.
Kacerita lingsir sanja suba lantas teka I Tiwas luh muani uli ngalih gaé. Nu joh suba endusa jukut bé siap, wiréh basangné suba layah gati. Lantas ngomong, “béh nyén sih ngaé jukut bé siap, nyursur bonné ngateg mai. Nyai tusing ngadek?”
“Yéh sajaan né,” kéto pasaut Mén Tiwasé.
“Toto, nanangné, tingalin ja!, dadi kedas gati natahé lada masampatan, yén nyén sih olas nyampatang? I Pan Tiwasé mai ja delokin! To dadi ada magenep di langgatan
98
