Kembang Rampe
mamula tabu, bligo, muah soroh jukut-jukutan.
Gelising cerita, bligo muah tabuné suba mabuah nged tur gedé-gedé pesan. Sabilang semengan I Dukuh ka peken ngadep jukut-jukutan. Makelo-kelo makejang anaké di negara pada ningeh orta, yén I Dukuh ngelah pianak alu.
Sedek dina anu. I Brakah lantas ngomong tekén méménné, “mémé, bin mani ajak ja tiang ka peken, apang tiang nawang peken!”
Méménné masaut, “da ja cening bareng ka peken, dokar pada liu, nyanan liliga cening nyén.”
I Brakah buin masaut, “sing liliga apa tiang!”.
Méménné buin masaut, “nah, yén cening nyak ja di sisi ngambahin, nyak mémé ngajak cening kema.” I Brakah kendel pesan kenehné mara méméné nyak ngajak ia ka peken. Buin maninné semengan pesan suba ia bangun, lantas ia ka peken, bareng-bareng ajaka méménné. Di tengah jalan liu anaké nyapatin ia kéné “ih Dukuh, nyai kija ngajak alu.”
I Dukuh lantas masaut, ” panak tiangé ené, ia nutgtug ka peken.” Makejang anaké ngedékin I Dukuh baané ngelah pianak alu. Nangingké I Dukuh tusing sebet kenehné kakedékin. Sasubané dagangann telah, lantas ia mulih. Sukat I Dukuh ngelah pianak alu, lais-lais pesan ia madagang. Tur batinné liu-liu pesan.
Gelising cerita, jani I Brakah suba truna, lantas ia ngomong tekén méménné, “mémé, kema jani padikang tiang okan ida sang Prabu!”
Méménné lantas masaut, “yéh to nguda pangkah pesan, dong bani mémé matur tekén ida sang Prabu, méh rejeka tekan mémé.”
I Brakah buin ngomong tekén méménné, “Mémé, tusing bani Mémé nindihin tiang baan urip méméné. To koné Mémé tresna tekén tiang. Diencénné Mémé bani ngetohin tiang. Nah yén Mémé tusing bani lakar madikang tiang okan ida sang Prabu, tiang lakar magedi uli dini.” Mara I Brakah ngomong
106
