Kembang Rampé
makelo, méh ia suba mati di jalan-jalan.”
Masaut I Sigir, “nah ampakang jlananné! Icang suba pianak Mémé.” Kéto masi singina baan méménné ; pamragat ampakina jlanan baan méménné, abaanga suluh. Mara enota anak bagus magem tur ménak gobanné maketketan ko ia Déwa Ratu gigian, “mimi Déwa Ratu, sapa sira puniki? Titiang tan uning, anak Déwa, anak Ratu, anak Agung, titiang tan ngelah panak sapuniki bagusné, panak tiangé anak mala tuah asibak.”
Masaut pianakné, “sing icang suba pianak Mémé, né apa kules icangé malu, jani icang suba maan panglukatan ida Betara né ngardi ukudan icange.” Ditu lantas édénganga kulesné saluka, buin magoba asibak buka né suba. Ditu kendel méménné, puluka pianakné pangélingina, usap-usapa, Sayangana pesan.
“Teka saja i déwa cening, nah sadian mémé, meneng jani i déwa jumah tongosin mémé, pang mémé demen!” Ditu I Sigir buin ngelus kulesné, buin dadi Truna Bagus, lantas ia ngortaang pajalanné luas, uli panyumu kayang pamragat indik matemu ngajak Betara Surya .
Tutugan satuané né, suba makelo I Truna Bagus jumahné, ngomong ia tekén méméné kéné, “Mé jani icang suba kelih, icang makénéh tekén anak luh, alihang icang tuah anak luh!”
Masaut méménné, “aruh Déwa Ratu, nyén men anaké alih mémé? Kéné lacur méméné buin belog. Anak kénkén ya cening, maan, ané kéto anggon mémé mantu!”
Masaut pianakné, “nah lamun kéto, nongos Mémé jumah, depang icang luas kaalasé masemedi, madak ada suécan Widi, dong maan icang anak luh.” Kéto ia Truna Bagus, méménné jejeh atinné buin makelo lakar kalahina, ngéling ia sok mlengok. Pianakné ngedas lemah majalan luas, ngungsi alas gununge gédé.
Kacerita teked di alasé gédé, ada tongos melah, lantas
130
