Kesusastran Bali Purwa
icang Mé, sing Mé nyak ngorahang? Mun sing, cang kal megedi, lek pasajané atin cangé, pang san cang mati, nyak kija ditu".
Lantas masaut méménné, "nah kéto ja raos I Déwa, ento ajin I Déwané Betara Surya, mlinggih di tanggun langité barak-barak né kangin.”
Masaut pianakné, "nah lamun kéto, bekelin icang ketipat taluh abesik, tekén be taluh siap abungkul, jumah Mémé icang kema luas ngalih bapan icangé sing ja makelo icang teka." Kéto tembaanga baan méménné pangelingina, "da I Déwa kema, anak joh dija kadén guminn,; séda I Déwa di jalan-jalan, dija alih mémé? Meneng I Déwa jumah, apa I Déwa kuangan? Mémé ngalihang I Déwa!"
Masaut pianakné, "apa kuangan, kuangan awak, dija perah anak kéné buka icang asibak? Sing, kema Mémé ngaé tipat, mani paseméngan pesan icang majalan!" Apa kéto lejeh panagih pianak né, gaénénga ketipat buka panagihné bakal bekelanga.
Gelising satua énggal, mani semengan nu ruput, majalan I Sigir ngadirdir teka beneng kangin dogén, ngungsi barak langité, tongos suryané endag.
Kacerita di jalan, liu anaké nepukin pada jejeh mlaib, kadéna gook memedi. Ada ané ngorahang matekap bakat ojoga, kalud sampiné rengas, sing itang-itung palaibné; né nepakang kanti bah bangun ngedetin talin sampinné, kéné abetné, "né jlema kénkén teka tuah asibak ngrengas-ngrengasang sampi dogén? Berek tonya, tonya apa iba?”
Masaut I Sigir, "da jero tengkejut, tiang jlema mala, tatujuan tiang ngalih Bapan tiangé Betara Surya di tanggun langité." Anaké matekap masaut pedih ngambros, "saling iba jlema asibak nagih ngalih tanggun langité, anaké nu genep ukudan sing nawang kema." Buin majalan I Sigir ngecogcog. Népukin ia anak tua nganggon sampi selem jagiran buin galak nyénggot-nyénggot, ento takonina baan I Sibak ento,
127
